“Endai Ngwatanĩo ya Ana-a-asa Onthe”
Ndeto ii mbevee syĩ kyongonĩ kĩĩ syaandĩkiwe vakuvĩ myaka 2,000 mĩvĩtu. (1 Vet. 2:17, NW) Ĩndĩ nĩ sya vata mũno ũmũnthĩ kwĩ ĩvinda yĩngĩ o na yĩva! Tũtonya kwenda ata ana-a-asa ĩũlũ wa nthĩ yonthe? Tũtonya kwĩka ata nĩ kana tũendeee kwendana nthĩnĩ wa nthĩ ĩno andũ matendanĩte? (Mt. 24:12) Tata kũsũngĩa makũlyo aa maatĩĩe ũendeee kũsisya vitio Our Whole Association of Brothers.
(1) Nĩ ĩndĩĩ twalikile ngwatanĩonĩ ĩno ya ana-a-asa Aklĩsto? (2) Nĩ maũndũ mekũ atatũ twĩkaa twĩ ngwatanĩo na ana-a-asa ma nthĩ yonthe? (3) Ana-a-asa maitũ monanasya ata kĩthito kya kũtavanyʼa (a) kũya weũnĩ Alaska, (b) kũla kũũngamaa meli kũya Europe, na (c) kũndũ kũthungu kũya Peru? (4) Nĩkĩ wĩa witũ wa kũtavanyʼa nĩ wa mwanya? (5) Nengane ngelekanyʼo sya ũndũ Ngũsĩ sya Yeova syatethanisye na kwĩkĩana vinya (a) ĩtina wa kĩtetemo kya nthĩ, (b) ĩtina wa kĩuutani kĩnene, na (c) mavindanĩ ma kaũ wa ene kwa ene? (6) Nĩ kwa nzĩa syĩkũ tũtonya kwonanyʼa ũvano ũla mũnene wa ngwatanĩo yitũ ya Kĩklĩsto? (Yoa. 13:35) (7) Kwĩthĩwa twĩ ngwatanĩo nthĩnĩ wa kwaka Nyũmba sya Ũsumbĩ kũtethasya ata? (8) Ana-a-asa maitũ ma Eastern Europe na Russia maendeeie ata kwĩthĩwa me vakuvĩ na Yeova ĩvinda ya maluvuku? (9) Ana-a-asa maitũ matataa mũno ata nĩ kana mavike maũmbanonĩ manene, na nĩkĩ? (10) Vitio ĩno yakwĩkĩa vinya ata nthĩnĩ wa ũtwi waku wa (a) kũmũthaitha Yeova maũmbanonĩ ma Kĩklĩsto wĩ ngwatanĩo na ana-a-asa, (b) kũtetheesya angĩ ĩvinda ya mathĩna, na (c) kũtavanyʼa ĩvinda yonthe na kwa nzĩa syonthe wĩ mũĩkĩĩku? (11) Nĩ ata na nĩ ĩndĩĩ ũtonya kũtũmĩa vitio ĩno ũtavanyʼanĩ?
Kĩtumi kitũ kĩnene kya kwĩthĩwa twĩ kĩlungu kya ngwatanĩo ya ana-a-asa Aklĩsto nĩ wendo witũ kũmwelekela Yeova. Kwoou nĩtwendete kwĩmanyĩsya na kũmanyĩsya angĩ ĩũlũ wake. Na nĩtwendete andũ ala Yeova wendete. Ĩla twamatetheesya mavindanĩ ma thĩna, tũyĩkwatasya Ngai atũtũngĩe mũvea. Ĩndĩ, tũmũtũngĩaa Ngai mũvea nũndũ twonaa ngwatanĩo ĩĩ yĩ mũthĩnzĩo wa vata kuma kwake. O ũndũ mĩthenya ĩno andũ mate na wendo ĩthengeee mũminũkĩlyo, ekai tũendeee kwonanyʼa wendo kwa ngwatanĩo yitũ ya ana-a-asa onthe!