Imanyĩthya

◼ Mwei wa 3 na wa 4: Ĩkaseti ya Mũsyaĩĩsya na ya Amkeni! Ĩla wasyokea mũndũ, tũmĩa ĩvuku Mbivilia Ĩmanyĩasya kana, kwosana na ũtonyi wake, no ũtũmĩe mbulosua Mwĩthukĩĩsye Ngai kana Mwĩthukĩĩsye Ngai Wĩkale Tene na Tene, na ũitata wambĩĩe kwĩmanyĩsya Mbivilia vamwe nake. Mwei wa 5 na wa 6: Atavanyʼa no matũmĩe ĩmwe ya tulakiti ii: Ngũsĩ sya Yeova Iĩkĩĩaa Kyaũ?, O Mĩtũkĩ Thĩna Wʼonthe Ũkathela!, Thayũ Nthĩnĩ wa Nthĩ Nzaũ yĩ Mũuo, We Wĩna Veva Ũtatonya Ũkwʼa?, Wĩkwatyo Nĩ Mwaũ kwa Endwa ala Akwʼũ?, Je! Ulimwengu Huu Utaokoka?, kana Yehova—Yeye Ni Nani? Ethĩwa mwene nyũmba nũkwendeewʼa, mwonyʼe ũndũ twĩmanyĩasya Mbivilia na andũ ũitũmĩa ĩvuku Mbivilia Ĩmanyĩasya kana ĩmwe ya mbulosua Mwĩthukĩĩsye Ngai kana Mwĩthukĩĩsye Ngai Wĩkale Tene na Tene.

◼ Tũkalilikana Kĩkwʼũ kya Yesũ Wakelĩ, Matukũ 26, Mwei wa 3, 2013. Ethĩwa mwĩkaa maũmbano Wakelĩ, maũmbano asu maĩle kwĩkwa mũthenya ũngĩ kyumwanĩ kĩu. Ethĩwa mũikeka Ũmbano wa Ũthũkũmi, mũvangĩthya wa nzama ya atumĩa no avange ũndũ ilungu ila ikonetye kĩkundi kyenyu syĩneenewa Ũmbanonĩ ũngĩ wa Ũthũkũmi mweinĩ ũsu. Ikundi ila ikethĩwa ithokewe nĩ mũsyaĩĩsya wa mũthyũlũlũko kyumwa kĩu, syaĩle kũkũĩĩsya ũmbano wa Wakelĩ mũthenyanĩ ũngĩ kyumwanĩ o kĩu.