Tũmĩa Nesa Makaseti Ala Makũũ

Nũseo kũnengane makaseti ala makũũ nũndũ maitonya kũtethya maiwa kana mekwʼa. Ĩkaseti o yĩmwe nĩũtuma mũndũ endeewʼa nĩ ũla wʼo na ayambĩĩa kwĩkaĩla syĩtwa ya Yeova. (Alo. 10:13, 14) Vaa ĩtheo nĩvonanĩtwʼe ũndũ tũtonya kũtũmĩa makaseti ala makũũ.

• Ĩla mũũtavanyʼa isionĩ ila itakothaa kũtavanwʼa, no mũtiĩe mwene nyũmba ĩkaseti ĩndĩ mũĩkaĩtie ũtheinĩ.

• Ĩla mũũtavanyʼa kũndũ kũla kwĩ andũ aingĩ, ta kũla andũ meteelaa matatũ kana ngalĩ sya mwaki, kũlya andũ kana no mende kũsoma na ũimonyʼa makaseti meana ũndũ mũna manyuve ala mekwenda.

• Ĩla ũendete sivitalĩ, sukulu, movisinĩ, kana kũndũ kũngĩ ta kũu kĩsionĩ kyenyu, tia makaseti manini mesanĩ vala andũ mekalaa meteele. Lilikana nũseo kwĩtya mwanya wa kũtia makaseti asu ethĩwa ũla ũũngamĩe vau e vo. Weethĩa ve makaseti angĩ matiĩtwe, ndũkatie angĩ.

• Ĩla ũkwĩyũmbanĩsya masyokeo, sũanĩa ĩũlũ wa kĩla mũndũ ũvangĩte kũsyokea. E na mũsyĩ? E vata na kũthi savalĩ? Nĩwanakavĩtye nza wa nyũmba yake? Sisya makaseti ala makũũ wĩ namo kana ve yĩmwe ĩneenete ĩũlũ wa maũndũ asu na ũimũtwaĩa ũmũsyokeete.

• Ĩla weethĩa mũndũ ũmũsyokeaa ũteũmwĩthĩa, mwonyʼe makaseti ala mavĩtĩte ũtaamũnenga.