Imanyĩthya

◼ Mavuku ala twĩnengane Mwei wa 6: Ĩvuku Mbivilia Yo Ĩmanyĩasya Ata?, kana ĩmwe ya tulakiti ii: O Mĩtũkĩ Thĩna Wʼonthe Ũkathela!, Thayũ Nthĩnĩ wa Nthĩ Nzaũ yĩ Mũuo, We Nowende Kũmanya Ũla Wʼo?, kana Yehova—Yeye Ni Nani? na ũitata wambĩĩe kwĩmanyĩsya Mbivilia na andũ. Mwei wa 7: Mbulosua Ũvoo Mũseo Kuma kwa Ngai! kana ĩmwe ya mbulosua ii: Mwĩthukĩĩsye Ngai, Mwĩthukĩĩsye Ngai Wĩkale Tene na Tene, na Nũtonya Kwĩthĩwa Mũnyanya wa Ngai! Mwei wa 8: Tũkanengane tulakiti ĩla yĩeleetye ĩũlũ wa Kĩsese kya jw.org. Isionĩ ila tulakiti ĩsu ĩtatonya kũnenganwe, no tũnengane mbulosua Ũvoo Mũseo Kuma kwa Ngai! kana ĩmwe ya mbulosua ii: Mwĩthukĩĩsye Ngai, Mwĩthukĩĩsye Ngai Wĩkale Tene na Tene, na Nũtonya Kwĩthĩwa Mũnyanya wa Ngai! Mwei wa 9 na wa 10: Ĩkaseti ya Mũsyaĩĩsya na ya Amkeni!

◼ Kwambĩĩa mũthyanĩ wa mwaka wa ũthũkũmi wa 2014, Sukulu ya Mavainia ĩkakuaa mĩthenya thanthatũ, kuma Wakwambĩlĩlya nginya Wathanthatũ.

◼ Mĩvango ya maũmbano ma kyumwa kĩla kĩ mbee wa mũtaneka ũmbano mũnene wa mĩthenya ĩtatũ, yaĩlĩte kũsiwʼa nĩ kana mũkwate mwanya wa kũsyokeleela motao na maũndũ ma kũlilikana ala me vaa nthĩnĩ wa Ũthũkũmi Witũ wa Ũsumbĩ, na nthĩnĩ wa valũa wa Matukũ 3, Mwei wa 8, 2013, ũla wonanĩtye ũndũ twaĩle kwĩsũvĩa ĩla twĩ maũmbanonĩ. Mwei ũmwe kana ĩlĩ ĩtina wa ũmbano wenyu mũnene, no mũtũmĩe kĩlungu kya mavata ma kĩkundi kũsyokeleela maũndũ ma ũmbano ũsu ala atavanyʼa manoonie matonya kũmatetheesya ũtavanyʼanĩ.