Endeea Kweteela na Mea Maingĩ wĩ na Wũmĩĩsyo

We wĩthĩĩtwe weteelete Ũsumbĩ wa Ngai kwa ĩvinda yĩana ata? Nĩwĩthĩĩtwe ũyeteela na wũmĩĩsyo o na kau nũtonya kwĩthĩwa na mathĩna? (Alo 8:25) Aklĩsto amwe nĩmomĩĩasya kũmenwa, kũkuwa naĩ, kwovwa yela, o na kũtĩswʼa kana nĩmeũawa. O na angĩ nĩmomĩĩasya mowau mathũku na ũkũũ.

Kyo nĩ kyaũ kĩtonya kũtũtetheesya kweteela na mea maingĩ o na yĩla twĩ thĩnanĩ? Nĩtwaĩlĩte kwaka mũĩkĩĩo witũ kwa kũsomaa Mbivilia kĩla mũthenya na kũvindĩĩsya. Tũyaĩle kũlwa nĩ wĩkwatyo ũla twĩ nawʼo. (2Ko 4:16-18; Avl 12:2) No nginya tũmũvoye Yeova na tũimwĩsũva atũnenge veva wake nĩ kana twĩthĩwe na ũkũmbaũ. (Luk 11:10, 13; Avl 5:7) Ĩthe waitũ Yeova nũtwendete mũno na no atũtetheesye tũkaendeea “kũmĩĩsya na kweteela na ũtanu.”—Ako 1:11.

ĨLOELEI VITIO YĨ NA KYONGO, NO NGINYA “TŨSEMBE NA WŨMĨĨSYO”—NDŨKETHĨWE NA NZIKA KANA ŨKAKWATA MŨTHĨNZĨO, NA ĨNDĨ MŨISŨNGĨA MAKŨLYO AA:

• 

  Nĩ maũndũ meva matataĩĩwe matonya kũtũkwata? (Mũta 9:11)

• 

  Mboya ĩtonya kũtũtetheesya ata yĩla twĩ mathĩnanĩ?

• 

  Ethĩwa tũitonya kwĩanĩsya maũndũ maingĩ ũthũkũminĩ wa Yeova tondũ tweekaa ĩvinda ĩvĩtu, nĩkĩ twaĩlĩte kũtũnga akili yitũ maũndũnĩ ala tũtonya kwĩanĩsya?

• 

  Nĩ kyaũ kĩũtetheeasya kũendeea kwĩthĩwa na mũĩkĩĩo kana ũkakwata mũthĩnzĩo wa thayũ wa tene na tene?