“Nthĩ Yonthe Yaĩ ya Kĩthyomo Kĩmwe”

11:1-4, 6-9

Yeova nĩwanyaĩĩkisye andũ ma Mbaveli ala mataĩ ewi kwa kũthokoanyʼa kĩthyomo kyoo. Ũmũnthĩ nũendeee kũmbanyʼa ĩkomano ĩnene kuma mbaĩnĩ syonthe na ithyomo na akamanenga “kĩthyomo kĩtheu” nĩ kana ‘mekaĩle syĩtwa ya Yeova na maimũthũkũmaa na ngoo ĩmwe.’ (Nzev 3:9; Ũvu 7:9) “Kĩthyomo kĩtheu” nĩ ũwʼo ĩũlũ wa Yeova na ieleelo syake o tondũ syonanĩtwʼe Maandĩkonĩ.

Kwĩmanyĩsya kĩthyomo kyeũ nĩkwendaa maũndũ maingĩ eka o kũsyokeleela ndeto ũte kũisũanĩa mũno. Nĩkwendaa kwĩmanyĩsya nzĩa nzaũ ya kũsũanĩa maũndũ. O ta ũu, tweemanyĩsya kĩthyomo kĩtheu kya ũla wʼo, mosũanĩo maitũ nĩmaalyũkaa. (Alo 12:2) Nĩtwaĩle kwĩkaa ũu kĩla ĩvinda tũte kũeka na ũu ũkatũtetheesya twĩthĩwe na ngwatanĩo twĩ andũ ma Ngai.—1Ko 1:10.