Yosevu Nĩweesiĩĩie Mũno

42:5-7, 14-17, 21, 22

Kwasũanĩa ũndũ Yosevu ũtonya kwĩthĩwa eewie yĩla wakomanie na ana-a-ĩthe atataĩĩe. Vaĩ vatonyeka Yosevu akamatavya vau kwa vau we nũũ, na ĩndĩ aimakumbatĩa kana ayĩyĩĩvanĩsya. Ĩndĩ nĩwambie kũsũanĩa atanamba kwosa ĩtambya. Ũtonya kwĩka ata ũkekwa maũndũ mataĩle nĩ andũ ma mũsyĩ kana o andũ angĩ? Ngelekanyʼo ya Yosevu nĩkũtũmanyĩsya vata wa kwĩsiĩĩa na kwĩthĩwa twĩ auu vandũ va kũatĩĩa ngoo yitũ ngengani, na tũyosa matambya mataĩle.

Ũtonya kũatĩĩa ngelekanyʼo ya Yosevu ata yĩla weekwa maũndũ mataĩle?