MAŨNDŨ MA VATA KUMA NDETONĨ YA NGAI | KUMA 10-11

Mose na Aluni Nĩmoonanisye Ũkũmbaũ Mũnene

10:3-6, 24-26, 28; 11:4-8

Mose na Aluni nĩmoonanisye ũkũmbaũ mũnene na ũlũmu yĩla maneenaa na Valao. Ĩvindanĩ yĩu, Valao nĩwe waĩ mũndũ ũla wĩ vinya vyũ ĩũlũ wa nthĩ. Nĩ kyaũ kyamatetheeisye? Mbivilia yaĩtye ũũ ĩũlũ wa Mose: “Kwondũ wa mũĩkĩĩo nĩwaumie Misili, na ndaakĩa ũthatu wa mũsumbĩ, nũndũ nĩwaendeeie kwĩthĩwa e mũlũmu ta wene Ũla ũtonekaa.” (Avl 11:27) Mose na Aluni nĩmamũĩkĩĩe Yeova vyũ na nĩmamwĩkwatisye.

Nĩ mavinda ta meva ũtonya kwĩthĩwa ũyenda ũkũmbaũ nĩ kana ũelesye mũndũ wĩ na ũkũmũ mũĩkĩĩo waku?

Visa: Mavinda ala twaĩle kwĩthĩwa na ũkũmbaũ. 1. Kamwana ke sukulu kavindĩtye ala angĩ mayina wathi wa kĩvendela. 2. Mwana-a-asa wĩ kotinĩ. 3. Mwana-a-asa wa mũika ainenga mwene nyũmba tulakiti na ve mũsikalĩ ũsyaĩĩsye e vakuvĩ.