Syo Ngũsĩ sya Yeova Iĩkĩĩaa Nosyo Ikatangĩĩwa syĩ Syoka?

Aiee. Andũ milioni mbingĩ makwie myaka mingĩ mũno mĩthelu na mataĩ Ngũsĩ sya Yeova makakwata mwanya wa kũnewa thayũ. Mbivilia ĩeleetye kana nthĩnĩ wa nthĩ nzaũ ĩla twathĩtwe, “kũkeethĩwa ũthayũũkyo wa ala alũngalu, na ala mate alũngalu nao.” (Meko ma Atũmwa 24:15) O na ĩngĩ, andũ aingĩ me thayũ ũmũnthĩ nĩmatonya kwambĩĩa kũmũthũkũma Ngai, na asu o namo makanewa thayũ. O na kũkethĩwa kũkekala ata, ti wĩa witũ kũtwʼa nũũ ũkanewa thayũ na nũũ ũtakanewa. Ũsu nĩ wĩa wa Yesũ mwene.—Yoana 5:22, 27.