Mboya ya Kũtũnga Mũvea

1. Yeova nue waĩlĩte ngatho,

No ue twaĩle ũkwinĩa.

Nĩtwakumana mbee waku Asa,

Tũkĩyia mokonĩ maku we.

Ithyĩ twĩ eki ma naĩ na onzu;

Nĩtũkũvoya ũtũekee.

Kwa nthakame ya Mwana waku mwendwa.

Yu ũtũmanyĩsye nzĩa syaku.

2. Nĩ atanu ala ũmathoketye

Moke nthĩnĩ wa ĩkalũ yaku.

Ũtũtongoesye kwa Ndeto yaku,

Na tũyĩkala nyũmbanĩ yaku.

Wĩ vinya mwingĩ mũno we Yeova,

Nũtũũngamasya kwa ũlũmu.

Nĩtũtavanasya Ũsumbĩ waku

Nũndũ wʼo ndũkasindĩka nongi.

3. Ũsũvĩo waku nũtũtanasya;

Nĩtũtanĩaa ũthaithi.

Nawʼo Ũsumbĩ waku nĩwũkĩte,

Ũwau, kĩkwʼũ, kyeva ũmine.

Yesũ akaveta ũthũku wʼonthe;

Tũtanĩe moathimo maku.

Nĩtwine kwa ũtanu na ũsindi:

“We Yeova waĩle kũkathwa!”