Ũvoo kwa Ala me Ũmbanonĩ

ŨVATISO Atumĩa menyu nĩmekĩte mĩvango kwosana na ũndũ maũndũ mailye kĩsionĩ kyenyu nĩ kana ala mekwenda kũvatiswa mavatiswe ĩtina wa kĩlungu kya kwakya kya Wathanthatũ.

MĨVOTHI Ũmbano ũũ Mũnene nũalyũlĩtwe kwa ithyomo mbee wa 400. Mĩvothi yaku ya ngoo ya kwenda nĩtetheeasya kũĩvĩa ngalama sya wĩa ũũ wa nthĩ yonthe. Ũkenda no umye mũvothi waku walika nthĩnĩ wa donate.jw.org. Mĩvothi yenyu nĩ ya vata mũno. Nzama Ĩla Ĩtongoesye nĩkũmũtũngĩa mũvea nũndũ wa ũlau wenyu wa kũtetheesya wĩa wa Ũsumbĩ.

SUKULU YA ATAVANYʼA MA ŨSUMBĨ Mavainia ala me na ũkũũ wa katĩ wa myaka 23 na 65, na mekwendeewʼa nĩ kwongela ũthũkũmi woo nĩmeũkũlwʼa maneene na mũandĩki wa kĩkundi kyoo na mayusũsya vomu ĩla yĩ kĩsesenĩ ya kũkũlya metwe Sukulu ya Atavanyʼa ma Ũsumbĩ.