WATHI 152
Vandũ Vala Vakatuma Ũtaĩwa
(1 Asumbĩ 8:27; 1 Mavinda 29:14)
1. Yeova Ngai wa ĩtunĩ
Waĩle kũkumwʼa mũno.
Wĩ wa kũtaĩwa mũno vyũ
Nũndũ wa ũnene waku.
Twĩ na ũtanu mwingĩ mũno
Nũndũ wa kũũthaitha.
Na twĩ na ngwatanĩo ndũmu
Tũitethya wĩa waku.
(KWOSELEELA)
Syĩndũ sitũ syonthe
Nue ũtũnengete.
Na nĩtwĩyũmbanĩtye
Kumya kwondũ waku.
(KOLASI)
Mwa nĩ mũvea vyũ Yeova.
Twĩenda kũũtaĩa
Nũndũ wa kũkwakĩa vandũ
Nĩ kana ũtaĩwe vo.
2. Twaĩ na vata mũnene vyũ
Wa vandũ va kũũkumya,
O vamwe na kũmatetheʼsya
Andũ meke kwenda kwaku.
Mwako ũũ nũkwĩanĩsya
Wĩa waku mwingĩ mũno
Nĩ kana ũvoʼ wa Ũsumbĩ
Ũvikĩe andũ angĩ.
(KWOSELEELA)
Nĩtũkwenda mũno
Kũʼnenga malĩ sitũ.
Nũndũ nũtũnengae—
Syĩndũ ila nzeo.
(KOLASI)
Mwa nĩ mũvea vyũ Yeova.
Twĩenda kũũtaĩa
Nũndũ wa kũkwakĩa vandũ
Nĩ kana ũtaĩwe vo.