KWAMBĨĨSYA ŨNEENANYʼA
ĨSOMO YA 6
Ĩthĩwa na Ũkũmbaũ
Mwolooto: “Nĩtweethĩiwe na ũkũmbaũ kuma kwa Ngai waitũ wa kũmũtavya ũvoo mũseo.” —1 Ath. 2:2.
Kĩla Yesũ Weekie
1. Ĩloele VITIO, kana ũsome Luka 19:1-7. Ĩtina wa ũu, sũanĩa makũlyo aa maatĩĩe:
Nĩkĩ andũ amwe matonya kwĩthĩwa meevathanaa na Sakayo?
O na vailye ũu, nĩ kyaũ kyatumie Yesũ amũtavya ũvoo mũseo?
Ngelekanyʼo ya Yesũ Yĩtũmanyĩsya Kyaũ?
2. No nginya twĩthĩwe na ũkũmbaũ nĩ kana tũtavye andũ onthe ũvoo mũseo wa Ũsumbĩ.
Atĩĩa Ngelekanyʼo ya Yesũ
3. Mwĩkwatye Yeova. Veva wa Ngai nĩwanengie Yesũ vinya wa kũtavanyʼa. O naku no ũũtetheesye. (Mt. 10:19, 20; Luka 4:18) Mũkũlye Yeova aũnenge ũkũmbaũ wa kũtavya andũ ala ũũkĩa.—Meko 4:29.
4. Ndũkasilĩle andũ. No tũkĩe kũneena na andũ amwe nũndũ wa mũvwʼanĩle woo, kĩlasi kyoo, ũkwati woo, mwĩkalĩle woo, kana mũĩkĩĩo woo. Ĩndĩ lilikana:
Kĩvathũkanyʼo naitũ, Yeova na Yesũ no masome ngoo.
Vai mũndũ ũtewʼĩwa tei nĩ Yeova.
5. Ĩthĩwa na ũkũmbaũ, ĩndĩ ũyĩkala wĩ mũĩ na wĩ metho. (Mt. 10:16) Ĩvathane na ngananĩo. Tila ngewa o nesa ethĩwa mũndũ ndekwĩthukĩĩsya kana ndũkwĩwʼa wĩ mwĩanĩe.—Nth. 17:14.