Watchtower LIBRARY INDANETINĨ
Watchtower
LIBRARY INDANETINĨ
Kikamba
Ũ
  • ũ
  • Ũ
  • ĩ
  • Ĩ
  • MBIVILIA
  • MAVUKU
  • MAŨMBANO
  • wp16 Na. 1 ĩth. 8-9
  • Nenge Mwaka O Ũmwe Wa Kwĩthĩwa Nĩ Na Ũtanu Na Mũuo

Vai vitio ya kĩla wanyuva.

Vole, ve thĩna waumĩla.

  • Nenge Mwaka O Ũmwe Wa Kwĩthĩwa Nĩ Na Ũtanu Na Mũuo
  • Mũsyaĩĩsya Yĩtavanasya Ũsumbĩ wa Yeova (Ĩkaseti ya Andũ onthe)—2016
  • Ũvoo Ũngĩ ta Ũũ
  • Mbivilia Nĩalyũlaa Andũ
    Mũsyaĩĩsya Yĩtavanasya Ũsumbĩ wa Yeova—2012
  • “Nakomaa Nza”
    Mbivilia Nĩalyũlaa Andũ
  • Mbivilia Nĩalyũlaa Andũ
    Mũsyaĩĩsya Yĩtavanasya Ũsumbĩ wa Yeova—2011
  • Mbivilia Nĩalyũlaa Andũ
    Mũsyaĩĩsya Yĩtavanasya Ũsumbĩ wa Yeova—2010
Ũvoo Mwingangĩ
Mũsyaĩĩsya Yĩtavanasya Ũsumbĩ wa Yeova (Ĩkaseti ya Andũ onthe)—2016
wp16 Na. 1 ĩth. 8-9

MBIVILIA NĨALYŨLAA ANDŨ

Nenge mwaka o ũmwe wa kwĩthĩwa nĩ na ũtanu na mũuo

Ũvoo ũũ ũeleetwʼe nĩ Alain Broggio

  • ASYAIWE MWAKA WA: 1971

  • NTHĨ ĨLA WUMĨTE: FRANCE

  • ĨVINDA ĨVĨTU: AĨ MŨNGʼENDU, AĨ NA MWĨKALĨLE MŨTHŨKU, NA NĨWATŨMĨAA NDAWA SYA KŨMILA

Alain Broggio e kĩmwana e na nzw’ĩĩ ĩvikĩte ituo

KWĨANA KWAKWA:

Twekalaa kĩsio kĩtawa Tellancourt kĩ ngalĩ ya ĩũlũ ya France. Ĩthe wakwa aumĩte nthĩ ya France na inyia wakwa nĩ wa Italy. Nĩ na myaka nyanya nĩtwathamĩĩie Rome, ĩla yĩ Italy na twathi kwĩkala kũla kwĩkalaa andũ ala ngya na mathũkũmaa mawĩa ma kĩlasi kya nthĩ. Ĩla twaendie kũu maũndũ mayaĩ laisi. Asyai makwa nĩmaemanawa mũno nũndũ wa mathĩna ma mbesa.

Nĩ na myaka 15, inyia wakwa ambĩie nĩthi ngamanthe andũ ma kũtindanyʼa namo vandũ va kwĩkalaa nĩ weka. Kuma ĩvinda yĩu, nĩnambĩĩie kwĩkala ndekwĩnũka mũsyĩ kwa ĩvinda ĩasa. Ĩtina wa ĩvinda ĩkuvĩ, nĩnambĩĩie kũtinda na kĩtindo kĩthũku. Mũthenya ũmwe, nĩnakomanie na mũndũũme noonaa e mũseo. Nĩwanengie ndawa sya kũmila na nainywʼa nũndũ nendaa andũ mamanye nĩ mũndũ mũima. Kuma vau, nĩnambĩĩie kwĩthĩwa na mwĩkalĩle mũthũku na weethĩa ndyĩkala ndanywʼĩte ndawa sya kũmila. Mavinda maingĩ andũ nĩmangwataa na vinya na makambĩka maũndũ mathũku. Ndyoonaa vata wa kwĩthĩwa thayũ; naĩ neeyĩtũkie, o na andũ mayanũngaa. Nĩ na myaka 16, nĩnatatie kwĩyũaa kwa kũnywʼa sũva wa whiskey na neeyĩkya ĩianĩ yausĩe kĩwʼũ. Nekalile mĩthenya ĩtatũ ndekwĩyĩwʼa.

Ĩtina wa ũu nĩnambĩĩie kũngʼangʼana na maũndũ na neethĩwa nĩ mũngʼendu na nĩ nzeleke. Nĩneeyumasya ngathi kwa andũ mũsyĩ ngeke ũlaalai namo na ndimanenga ndawa sya kũmila na ĩtina wa ũu ndimoyĩa syĩndũ sya thooa mũnene ila me nasyo. Nguthu ila nene sya imaamai nĩsyandũmĩaa kũtwaa ndawa sya kũmila kũndũ kwĩ kĩvathũkanyʼo nthĩ ya Italy. Mavinda maingĩ nĩnathĩnanasya mũno na asikalĩ. Naendeee kwaa mana, o na kau nĩnoonaa no nginya vakethĩwa kĩtumi kya kwĩthĩwa nĩ thayũ. Nĩnavoyie Ngai na namũkũlya anenge mwaka o ũmwe nĩthĩwe na ũtanu na mũuo.

ŨNDŨ MBIVILIA YAALYŨLILE MWĨKALĨLE WAKWA:

Nĩ na myaka 24, nĩnatwie kũthamĩĩa England. Naĩ mũisyonĩ nũndũ wa kũtindanyʼa na andũ ala matesaa ndawa sya kũmila. Ndanamba kũthi, nĩnavangie kũthi kwona inyia wakwa. Navika nĩnasengʼie mũno kwĩthĩa mũndũũme weetawa Annunziato Lugarà aimanyĩsya inyia wakwa Mbivilia.a Nũndũ nĩneesĩ aĩ kĩngʼendilĩ nĩneewie wia na namũkũlya eĩka ata vau. Angeleisye moalyũku manene ala weekie nĩ kana atwʼĩke Ngũsĩ ya Yeova na ambĩa navika England, nĩmanthe Ngũsĩ sya Yeova nĩmanyĩsye namo. Nĩneetĩkĩlile kwĩka ũu, ĩndĩ ĩla navikie kũu nasyokea mwĩkalĩle wakwa wa tene.

Mũthenya ũmwe, nĩnakomanie na mũndũũme ũmwe waĩ Ngũsĩ ya Yeova ainengane makaseti ma Mũsyaĩĩsya na Amkeni! lelũnĩ ũmwe wĩ mũsyĩ wa London. Nĩnalilikanile ũndũ neeie Annunziato kana ngeemanyĩsya Mbivilia, na nakũlya mũndũũme ũsu wanenganae makaseti twambĩĩe kwĩmanyĩsya Mbivilia.

Nĩnendeeiwʼe nĩ maũndũ ala neemanyĩasya Mbivilianĩ. Kwa ngelekanyʼo, nĩnendeeiwʼe nĩ ndeto ila syĩ ĩandĩkonĩ ya 1 Yoana 1:9, ila syaĩtye ũũ ĩũlũ wa Ngai: ‘Ethĩwa nĩtũkumbũla naĩ sitũ, we e kĩthito, na nĩ mũlũngalu wa kũtũekea naĩ sitũ, na kũtũthesya ũndũ ũte ũlũngalu wʼonthe.’ Mũsoa ũsu nĩwangiitie mũno nũndũ neewʼaa nĩ kĩko mũno nũndũ wa maũndũ ala neekaa. Nĩnambĩĩie kũthi maũmbanonĩ ma Kĩklĩsto ma Ngũsĩ sya Yeova na nathokwʼa nesa. Ĩla noonie ũndũ mendene, wendo ũla nakosete kwa myaka mingĩ, nĩnendie kwĩthĩwa nĩ ũmwe woo nũndũ mekalaa ta andũ ma mũsyĩ ũmwe.

O na kau ndwaĩ ũndũ wĩ vinya kũeka kũtũmĩa ndawa sya kũmila na kũekana na mwĩkalĩle mũthũku, ũndũ ũla waĩ vinya kwakwa nĩ kũalyũla ũndũ nailyĩ ngoonĩ. Kwa ngelekanyʼo, nĩnamanyie kana nĩnaaĩle kũnenga andũ ala angĩ ndaĩa na ndyĩthĩwa ndimaelewa. O na nginya ũmũnthĩ ve o maũndũ nĩendeee kũngʼangʼana nĩekane namo. Ĩndĩ Yeova nũndetheesye ngeka maendeeo. Neemanyĩisye Mbivilia vandũ va myei thanthatũ na navatiswa natwʼĩka ũmwe wa Ngũsĩ sya Yeova mwaka wa 1997.

Alain Broggio

MOATHIMO ALA NĨKWATĨTE:

Ĩtina wa kũvatiswa nĩnatwaie Barbara ũla waĩ anatwʼĩka ũmwe wa Ngũsĩ sya Yeova. Ĩla mũndũũme ũmwe twaĩ ndũũ woonie ũndũ neekĩte moalyũku manene, o nake nĩwambĩĩie kwĩmanyĩsya Mbivilia. Ĩtina wa ĩvinda, nĩwatwʼĩkie ũmwe wa Ngũsĩ sya Yeova e na mwĩĩtu-a-inyia. O na mwĩĩtu-a-inyia wa ũsũe wakwa ũla waĩ myaka 80 na kĩndũ nĩwambĩĩie kwĩmanyĩsya Mbivilia na avatiswa na ĩtina wa ĩvinda akwʼa.

Yu nĩ mũtumĩa wa kĩkundi kya Kĩklĩsto, nake mũka wakwa nĩ mũtavanyʼa wa ĩvinda yonthe, amanyĩasya Mbivilia andũ ala mekalaa London maneenaa kĩthyomo kya Italian. Mavinda amwe nĩnĩũmĩaa ngoo mũno nũndũ wa mwĩkalĩle ũla nekalaa tene, ĩndĩ Barbara nũndetheeasya mũno. Yu nĩ na mũsyĩ wĩ na ũtanu na Ĩthe ũmbendete ũndũ nendaa kuma tene. Namũkũlilye Ngai anenge mwaka o ũmwe nĩthĩwe nĩ na mũuo na ũtanu, ĩndĩ nũnengete maũndũ maingĩ kwĩ ũndũ namwĩtisye!

Yu nĩ na mũsyĩ wĩ na ũtanu na Ĩthe ũmbendete ũndũ nendaa kuma tene

a Sisya kĩlungu “Biblia Inabadili Maisha—Nilitembea na Bunduki Kila Wakati,” kĩla kĩeleetwʼe nĩ Annunziato Lugarà, ĩkasetinĩ ya Mũsyaĩĩsya (Kĩswaili) ya 01/07/2014, ĩthangũ ya 8-9.

    Kikamba Publications (1950-2025)
    Uma
    Lika Nthĩnĩ
    • Kikamba
    • Tũma
    • Mũvangĩle ũla ũkwenda
    • Copyright © 2025 Watch Tower Bible and Tract Society of Pennsylvania
    • Mĩao ya Kũtũmĩa
    • Ũvoo Waku wa Kĩmbithĩ
    • Mpangilio wa Faragha
    • JW.ORG
    • Lika Nthĩnĩ
    Tũma