Ĩkomano ĩnene” ya andũ matatalĩka kuma mbaĩnĩ syonthe yĩkavonoka kaũ wa Ali–Maketoni
Mbivilia Ĩmanyĩasya Ata?
Ali–Maketoni nĩ kyaũ?
Andũ amwe maĩkĩĩaa . . .
kana nĩ kwanangwa kwa nthĩ nĩ andũ matũmĩĩte mĩio ya kaũ mĩthũku vyũ kana nĩ kwanangĩka vyũ kwa mawĩthyũlũlũko. We wĩ na woni mwaũ?
Ũndũ Mbivilia Yaasya
Ali–Maketoni nĩ ‘kaũ wa mũthenya mũnene wa Ngai Mwene Vinya Wʼonthe’ wa kwananga ala athũku.—Ũvuanʼyo 16:14, 16.
Nĩ ũndũ ũngĩ mwaũ tũkwĩmanyĩsya kuma Mbivilianĩ?
Ngai akokita kaũ wa Ali–Maketoni nĩ kana atangĩĩe nthĩ ndĩkanangwe nĩ andũ, ĩndĩ ti amyanange.—Ũvuanʼyo 11:18.
Kaũ wa Ali–Maketoni ũkamina makaũ ala angĩ onthe.—Savuli 46:8, 9.
We nũkwona ta vatonyeka ũkesa kũtangĩĩwa kaũnĩ wa Ali–Maketoni?
We ũtonya kũsũngĩa ata?
Ĩĩ
Aiee
Nĩvatonyeka
Ũndũ Mbivilia Yaasya
“Ĩkomano ĩnene” ya andũ kuma mbaĩnĩ syonthe yĩkavonoka kuma“thĩnanĩ ũla mũnene,” ũla ũkathela na kaũ wa Ali–Maketoni.—Ũvuanʼyo 7:9, 14.
Nĩ ũndũ ũngĩ mwaũ tũkwĩmanyĩsya kuma Mbivilianĩ?
Ngai endaa andũ aingĩ ũndũ vatonyeka mevonoka kaũ wa Ali–Maketoni. Na esaa kwananga andũ ala athũku malea vyũ kũmwĩwʼa. —Esekieli 18:32.
Mbivilia nĩyĩeleetye kĩla twaĩle kwĩka nĩ kana tũikaanangwe kaũnĩ wa Ali–Maketoni. —Nzevania 2:3.