“ALA AUU MAKATIĨWA NTHĨ”

Andũ aingĩ nĩmonete ũsili wa katĩ ũte kũatĩĩwa, na makona andũ aseo na mate na mavĩtyo maithĩnwʼa nĩ andũ athũku. Yo ve ĩvinda andũ makaatĩĩaa ũsili wa katĩ na makekalaa matekwĩka ũthũku?

Ĩandĩko ya Savuli 37 yĩla yĩ Mbivilianĩ nĩyĩsũngĩĩte ĩkũlyo yĩu, na yĩkatwonyʼa ũndũ twaĩle kwĩka ĩvindanĩ yĩĩ. Kwasisya ũndũ yaĩtye ĩũlũ wa makũlyo aa ma vata.

Twaĩle kwĩkana ata na ala meũtũthĩnyʼa?—Mũsoa wa 1, 2.
Andũ athũku makakwatwa nĩ kyaũ?—Mũsoa wa 10.
Ĩvinda yũkĩte ya andũ ala mekaa ũlũngalu yĩkeethĩwa yĩilyĩ ata?—Mũsoa wa 11, 29.
Twaĩle kwĩka ata ĩvindanĩ yĩĩ?—Mũsoa wa 34.

Ndeto mbeveee ila syĩ ĩandĩkonĩ ya Savuli 37 nieleetye nesa ĩũlũ wa ĩvinda yũkĩte ĩseo kwondũ wa ala ‘mamweteele Yeova, na makwataa nzĩa yake.’ Ngũsĩ sya Yeova no syende ũkũtetheesya wĩmanyĩsye Mbivilia na ũimanya maũndũ ala ũtonya kwĩka nĩ kana we vamwe na endwa maku mwĩthĩwe na ĩvinda yũkĩte ĩseo.

Nĩ kana ũkwate ũvoo mwingangĩ ĩũlũ wa kĩeleelo kya Ngai kwa andũ na nthĩ, Ambĩĩa kwĩmanyĩsya Mbivilia ũtũmĩĩte kavuku, Tanĩa Thayũ Tene na Tene!, yumĩthĩtwʼe nĩ Ngũsĩ sya Yeova. O na ĩngĩna yĩkwatĩkanaa nthĩnĩ wa Kĩsesenĩ kya www.jw.org/kam