Vitio Young People Ask—What Will I Do With My Life? (Kĩlungu kya 1)
O ũndũ andũ ma mũika maendeee kũtwʼĩka andũ aima, no nginya meke motwi ma vata. Nĩ kana matetheewʼe, vitio Young People Ask—What Will I Do With My Life? nĩseũvĩtwʼe. Nĩ kana waambĩĩe kũsisya vitio, vinyĩĩa Play Drama, na ũisisya kana no ũsũngĩe makũlyo ala me ĩvungunĩ ya 2 vaa ĩtheo. Wamina kũmĩsisya, syoka mwambĩĩonĩ vala vonanĩtwʼe maũndũ onthe ala me vitionĩ ĩno, vinyĩĩa Interviews na ĩndĩ ũivinyĩĩa Looking Back, na ũitata kũsũngĩa makũlyo ala me ĩvungunĩ ya 3.
Ndulama (Drama): (1) Nĩ kwa nzĩa syĩva maũndũ ala mamũkwatie Timotheo mailyĩ o ta ala makwataa Aklĩsto aingĩ ma mũika ũmũnthĩ? (2) Andre aingĩĩiwʼe ata nĩ kana eke nesa mathaũnĩ ma kũsemba? (3) Andre eeiwe ata nĩ Mwana-a-asa Fleissig ĩũlũ wa (a) kwĩthĩwa eyumĩtye kwa Yeova na mathaũnĩ? (Mt. 6:24) (b) kĩla kĩetae ũtanu wa wʼo? (c) kĩla walilikanaa oona mbakũli yake ĩla waumie nayo kambinĩ ya mathĩna? (d) andũ ala maĩ visanĩ vamwe nake na kĩveti kyake? (e) ethĩwa nĩweliile kũtia mĩvango ĩla waĩ nayo mbeenĩ? (Avi. 3:8) (4) Ũsũe wa Andre amũsũngĩie ata ĩkũlyo yake, “Nũthũku nyie kwenda kũtwʼĩka mũsembi wĩ nguma?” (“Is it wrong for me to want to become a track star?”) (Luka 4:5-7) (5) Kũsinda mathaũ ma kũsemba nĩkwamũeteie Andre ũtanu wa wʼo? (6) Nĩ kyaũ kĩnakwendeeisye ĩũlũ wa valũa wa Mwana-a-asa Fleissig ũla waandĩkĩie Andre? (Nth. 10:22) (7) Mwana-a-asa Fleissig amũtetheeisye Andre kũmanya kyaũ?
Kũsũanĩa Maũndũ ma Ĩvinda Ĩvĩtu (Looking Back): (8) Nĩ maũndũ meva mwana-a-asa na mwĩĩtu-a-asa ũsu maatĩĩe, na nĩkĩ? (9) Meekĩte maendeeo maũ ma kĩmwĩĩ? (10) Nĩ kyaũ kyatumie kĩla ũmwe woo atwʼa kũeka kũatĩĩa maũndũ ala weekaa na ambĩĩa kũatĩĩa maũndũ ma kĩveva? (2 Ako. 5:15) (11) Nĩ maũndũ maũ ma kĩveva moosie mwanya wa maũndũ ala mekaa mbeenĩ, na nĩkĩ meewie matatonya kũatĩĩa maũndũ asu melĩ? (12) Nĩmelilaa o na vanini nũndũ wa kũalyũla mĩvango yoo thayũnĩ? (13) Nĩ kyaũ manawetie kyatuma mũno mũno ũsũanĩa ĩũlũ wa kĩla waĩlĩte kwĩka thayũnĩ waku?
Nũũkũlwʼa ũsisye maũndũ ala angĩ nthĩnĩ wa kĩlungu kya interviews (mokũlanyʼo) na supplementary material (ũvoo wa kwongeleela), na ũyĩyũmbanyʼa kumya maelesyo ĩũlũ wamo maineenewa Ũmbanonĩ wa Ũthũkũmi kyumwa kĩĩ kyũkĩte.