Yeova Ndakamatia Ala Makwʼĩte Ngoo

Ĩvuku ya Savuli 51 yaandĩkiwe nĩ Ndaviti ĩtina wa mwathani Nathani kũmũtavya ĩũlũ wa naĩ ngito ĩla weekĩte na Mbathi-sieva. Ndaviti nĩwathĩniwʼe mũno nĩ wasya wake wa ngoo, na aumbũla enyivĩtye.—2Sa 12:1-14.

O na kau Ndaviti nĩwavĩtisye, aĩ o atonya kwĩthĩwa ĩngĩ na ngwatanĩo nzeo na Yeova

51:3, 4, 8-12, 17

• Ndaviti atanamba kwĩtya ũekeo na kumbũla, wasya wake wa ngoo nĩwamũthĩnĩtye mũno

• Nĩwathĩnie mũno nĩkwĩthĩwa atetĩkĩlĩtwe nĩ Ngai, o na eewʼaa ta mũndũũme ũtũlangĩtwe mavĩndĩ

• Nĩwendaa mũno kũekewa, kwĩthĩwa na ngwatanĩo nzeo na Ngai, na kwĩthĩwa na ũtanu ũla waĩ nawʼo mbeenĩ

• Nĩwamũvoyie Ngai enyivĩtye nĩ kana amũtetheesye ethĩwe atonya kwĩthĩwa e mwĩwi

• Ndaĩ na nzika kana Yeova nũekeaa