Ũndũ Tũtonya Kwĩthĩwa Atavanyʼa Aseo​—Tetheesya Ala Mekwendeewʼa Mokae Maũmbanonĩ

NĨKĨ NĨ ŨNDŨ WA VATA: Maũmbano nĩ matũmaa twĩthĩwa na mwanya mũseo wa ‘kũmũkumya Yeova’ na ‘kũmwinĩa.’ (Sav 149:1) Nĩtũmanyĩawʼa kwĩka kwenda kwa Ngai ĩla twĩ maũmbanonĩ. (Sav 143:10) Mavinda maingĩ andũ ala mekwendeewʼa vamwe na amanyĩwʼa ma Mbivilia mekaa maendeeo mũnango ĩla mambĩĩa kũka maũmbanonĩ.

ŨTONYA KWĨKA ŨU ATA?:

• Mũthokye na mĩtũkĩ ũndũ vatonyeka. Ndwaĩle kweteela nginya ĩla mũkambĩĩa kwĩmanyĩsya Mbivilia vamwe.—Ũvu 22:17

• 

  Elesya mũndũ ũla ũkwendeewʼa maũndũ ala ũkwona maũmbanonĩ ooka, na kĩla kĩkaneenewa maũmbanonĩ ala maatĩĩe. No ũtũmĩe syĩndũ ii ĩla ũkũthokya mũndũ ũkwendeewʼa: kathangũ ka kũthokanyʼa ũmbanonĩ, vitio ĩla yĩ na kyongo Nĩ Kyaũ Kĩendeeaa Nyũmbanĩ ya Ũsumbĩ?, na ĩsomo ya 5 na ya 7 nthĩnĩ wa mbulosua Kwenda kwa Yeova

• 

  Mũtetheesye. Ũla ũkwendeewʼa no ethĩwe ayenda tikiti wa kũka ũmbanonĩ kana akethĩwa ayenda kũtetheewʼa kwĩkĩa ngũa nesa? Ooka ũmbanonĩ ĩkala nake nĩ kana mũtũmĩanĩe mavuku. Mũtetheesye amanyane na ala angĩ kĩkundinĩ