“Ninyioo; Ndũma Nyie.”

Nũseo tũkethĩwa na ngoo ya kwĩyumya ta Isaia. Nũndũ aĩ na mũĩkĩĩo nĩweetĩkĩlile na mĩtũkĩ wĩa ũla wanengiwe, o na kau ndeesĩ maũndũ maingĩ ĩũlũ wa wĩa ũsu. (Isa 6:8) Nũtonya kwĩka moalyũku nĩ kana ũkatavanyʼe kũla kwĩ na vata mũnene wa atavanyʼa ma Ũsumbĩ? (Sav 110:3) Nũseo kwamba “kũtala” ngalama ũtanamba kwosa ĩtambya. (Lk 14:27, 28) O na ũu wĩ o vo, ĩthĩwa na ngoo ya kwĩyumya kwondũ wa kũtavanyʼa ũvoo mũseo. (Mt 8:20; Mk 10:28-30) O tondũ vitio Kũthi Kũtavanyʼa Kũla kwĩ na Vata Mũnene wa Atavanyʼa yoonanyʼa, moathimo maingĩ ala tũkwataa tweeyumya kũmũthũkũma Yeova nĩmavĩtũkĩte kĩndũ o na kĩva kĩla tũtonya kũtia nĩ kana tũmũthũkũme.

ĨTINA WA KWĨLOELA VITIO ĨNO, SŨNGĨA MAKŨLYO AA MAATĨĨE:

• Andũ ma mũsyĩ wa Williams meekie moalyũku meva nĩ kana meyumye makatavanyʼe nthĩ ya Ecuador?

• Masũanĩie maũndũ meva ĩla manyuvaa vala meũthi kũtavanyʼa?

• Makwatie moathimo meva?

• Nĩ va ũtonya kũkwata ũvoo mwingĩ ĩũlũ wa kũla kwĩ na vata mũnene wa atavanyʼa?

ŨTHAITHINĨ WENYU WA MŨSYĨ ŨLA ŨATĨĨE, NEENEAI MAKŨLYO AA MAATĨĨE:

• Twĩ andũ ma mũsyĩ, tũtonya ata kwongelanga ũthũkũmi witũ? (km-SW 8/11 4-6)

• Ethĩwa tũitonya kũthi kũtavanyʼa kũla kwĩ na vata mũnene wa atavanyʼa, tũtonya kũtetheesya ikundi sitũ ata? (w16.03 23-25)