Atavanyʼa maithokanyʼa ũmbanonĩ wa kũlilikana kĩkwʼũ kya Yesũ nthĩ ya Albania

Ũndũ Ũtonya Kwasya

MŨSYAĨĨSYA

Ĩkũlyo: We wĩona mũthĩnzĩo ũla mũnene vyũ Ngai watũnengie nĩ wĩva?

Ũndũ ũtonya kwasya: Ĩkaseti yĩĩ ya Mũsyaĩĩsya nĩyĩeleetye nĩkĩ Ngai watũmie Yesũ kũũ nthĩ akwʼe kwondũ witũ na ũndũ tũtonya kwonanyʼa kana nĩtũũtũnga mũvea nũndũ wa mũthĩnzĩo ũsu.

ŨSUMBĨ WA NGAI NĨ KYAŨ?

Ĩkũlyo: [Mwonyʼe ĩthangũ ya mbee ya tulakiti.] Ũtonya kũsũngĩa ĩkũlyo yĩĩ ata? Ũsumbĩ wa Ngai nĩ kĩndũ kĩ ngoonĩ yaku? nĩ kĩndũ kyaĩle kũeleeka kwa nzĩa ya ngelekanyʼo? kana nĩ silikalĩ ya ĩtunĩ?

Ĩandĩko: Nda 2:44; Isa 9:6

Ũndũ ũtonya kwasya: Tulakiti ĩno yĩeleetye ũndũ Ũsumbĩ wa Ngai ũtonya kũũtethya.

VALŨA WA KŨTHOKYA ANDŨ ŨMBANONĨ WA KŨLILIKANA KĨKWʼŨ KYA YESŨ

2017 Valũa wa kũthokany’a ũmbanonĩ wa kũlilikana kĩkw’ũ kya Yesũ wa 2017

Ũndũ ũtonya kwasya: Twĩthokasya andũ ũmbanonĩ wa vata mũno. [Nengane valũa wa kũthokanyʼa.] Matukũ 11, Mwei wa 4, andũ milioni mbingĩ ĩũlũ wa nthĩ makoombana malilikane kĩkwʼũ kya Yesũ na mayĩthukĩĩsya ũvoo umĩte Mbivilianĩ ĩũlũ wa ũndũ kĩkwʼũ kya Yesũ kĩtonya kũtũtethya. Valũa ũũ nĩwonanĩtye saa na vala ũmbano ũsu wĩĩkĩwa kĩsionĩ kitũ. Twĩĩkwatya ũkooka.

ANDĨKA MAŨNDŨ MA KŨTŨMĨA ŨTAVANYʼANĨ

Tũmĩa nzĩa ĩla yonanĩtwʼe ngelekanyʼonĩ ila syĩ vaa ĩũlũ nĩ kana ũandĩke maũndũ maku ma kũtũmĩa ũtavanyʼanĩ.