MWĨKALĨLE WA AKLĨSTO
Nĩ Kana Tũtwʼĩkĩthye Andũ Amanyĩwʼa Nĩtwaĩle Kũtavanyʼa na Kũmanyĩsya
Yesũ eeaĩie aatĩĩi make mathi makatwʼĩkĩthye andũ amanyĩwʼa. (Mt 28:19) Nzĩa ĩmwe ya kwĩka ũu nĩ kũtavanyʼa na kũmanyĩsya. Mavinda kwa mavinda nĩtwaĩle kwĩkũlasya atĩĩ: ‘Ndonya kwĩka maendeeo ata nthĩnĩ wa nzĩa ii nene na sya vata sya kũtwʼĩkĩthya andũ amanyĩwʼa?’
KŨTAVANYʼA
Vandũ va kweteela andũ moke vala tũĩ, no nginya twĩkĩe kĩthito kũmantha andũ ala ‘aĩlu.’ (Mt 10:11) Ĩla twĩ ũtavanyʼa, nĩtwĩthĩawa twĩ metho nĩ kana tũtavye andũ ala ‘twakomana namo’? (Meko 17:17) Kwa ngelekanyʼo, Litia atwʼĩkie mũmanyĩwʼa nĩkwĩthĩwa mũtũmwa Vaulo nĩwatavanasya na kĩthito.—Meko 16:13-15.
“Kĩoko vuĩa mbeũ syaku, na wĩoo ndũkasiĩĩe kwʼoko kwaku” (Mũta 11:6)
ĨLOELEI VITIO YĨ NA KYONGO, ENDEEA KŨTAVANYʼA ‘ŨTE KŨEKA’—ĨLA WĨ MAŨNDŨNĨ MAKU NA NYŨMBA NA NYŨMBA, NA ĨNDĨ MŨISŨNGĨA MAKŨLYO AA MAATĨĨE:
Samuel oonanisye ata kana nĩweethĩawa na kĩthito wĩanĩ wa kũtavanyʼa e maũndũnĩ make ma kĩla mũthenya?
Nĩkĩ no nginya twĩthĩwe na wũmĩĩsyo ũtavanyʼanĩ o na ethĩwa twĩtũmĩa nzĩa syĩva?
Naaũ ũtonya kũtavya ũvoo mũseo wa Ũsumbĩ wĩ maũndũnĩ maku ma kĩla mũthenya?
KŨMANYĨSYA
Ve maũndũ angĩ mendekaa nĩ kana tũtwʼĩkĩthye andũ amanyĩwʼa eka o kũmatiĩa mavuku. Nĩ kana tũmatetheesye meke maendeeo ma kĩ-veva, nĩtwaĩle kũmasyokea na kũmamanyĩsya Mbivilia. (1Ako 3:6-9) Nao nata ethĩwa mũndũ ũla tũũmanyĩasya ũwʼo ndaneka maendeeo? (Mt 13:19-22) Nĩtwaĩle kũendeea kũmantha andũ ala ngoo syoo iilyĩ ta ‘mũthanga mũseo.’—Mt 13:23; Meko 13:48.
“Nyie nĩnavandie, na Avolo nĩwanyithisye; ĩndĩ nĩ Ngai wĩanĩtye” (1Ako 3:6)
ĨLOELEI VITIO YĨ NA KYONGO, ENDEEA KŨTAVANYʼA ‘ŨTE KŨEKA’—KŨLA KWĨTHĨAWA ANDŨ AINGĨ NA TWʼĨKĨTHYA ANDŨ AMANYĨWʼA, NA ĨNDĨ MŨISŨNGĨA MAKŨLYO AA MAATĨĨE:
Solomon na Mary mangʼithisye ata mbeũ sya ũwʼo ila syaĩ ngoonĩ ya Ezekiel na Abigail?
Twaĩle kwĩthĩwa na kĩeleelo kĩva o na ĩla tũũtavanyʼa kũla kwĩthĩawa andũ aingĩ?
Nĩ kwa nzĩa syĩva tũtonya kwĩkĩa kĩthito mũno nĩ kana tũmanyĩsye andũ ũwʼo?