Kũvosya Mũthenya wa Savato

3:1-5

Nĩkĩ Yesũ weewie woo mũno nũndũ wa maũndũ ala atongoi ma ndĩni ya Kĩyuti meekaa? Nũndũ matwʼĩkĩthĩtye Savato mũio mũito kwa kwongeleela tũmĩao tũngĩ tũte va tũĩ. Kwa ngelekanyʼo, masyaa kana kũaa ngala mũthenya wa Savato kwaĩ ĩvĩtyo. Mũndũ aaĩle kũiitwa mũthenya wa Savato ethĩwa thayũ wake wĩ mũisyonĩ. Ũu nĩkwonanyʼa kana mũndũ atũlĩka ĩvĩndĩ kana akitũka ndaaĩle kũiitwa mũthenya wa Savato. Kwa wʼo, atongoi asu ma ndĩni mayathĩnĩkĩaa mũndũ ũsu waĩ na kwʼoko kwau.