Ũndũ Ũtonya Kũtetheka Mũnango Yĩla Ũkwĩmanyĩsya Mbivilia We Mwene

NĨKĨ KWĨMANYĨSYA NĨ KWA VATA: Kwĩmanyĩsya Ndeto ya Ngai nĩkũtũtetheeasya “kũelewa nesa ũthanthau, na ũasa, na ũtũlu, na ũliku” wa ũla wʼo. (Aev 3:18) O na ĩngĩ nĩkũtũtetheeasya twĩthĩwe tũtaweteka ũthũku na tũte na mavĩtyo o na kau tũthyũlũlũkĩtwe nĩ andũ matamwĩsĩ Yeova, na tũyĩendeea ‘kũlũmya vyũ ĩla ndeto ya thayũ.’ (Avi 2:15, 16) Yĩla tũkwĩmanyĩsya ithyĩ ene nĩtũkwataa mwanya wa kwĩnyuvĩa maũndũ ala matonya kũtũtetheesya. Tũtonya kwĩka ata nĩ kana tũtetheke mũnango yĩla tũkwĩmanyĩsya Mbivilia?

ŨNDŨ ŨTONYA KWĨMANYĨSYA:

• Kululĩĩla mĩsoa na ũyĩandĩka maũndũ ala ũkwona matonya ũkũtethya Mbivilianĩ yaku, kana simũnĩ

• Ĩkũlye makũlyo aa yĩla ũendeee kũsoma Mbivilia: ‘Nũũ? Nĩ kyaũ? Nĩ ĩndĩĩ? Nĩ va? Nĩkĩ? Ata?’

• Tata ũelewe maũndũ nesa. Ũitũmĩa syĩndũ ila tũtũmĩaa kwĩka ũkunĩkĩli, ĩka ũkunĩkĩli ĩũlũ wa kyongo kĩna, kana mũsoa mũna

• Vindĩĩsya kĩla ũũsoma nĩ kana ũmanye ũndũ ũvoo ũsu ũtonya kũũtethya we mwene

• Tũmĩaa kĩla weemanyĩsya.—Luk 6:47, 48

ONANYʼA VITIO YĨ NA KYONGO, ‘LŨMYA VYŨ’ NDETO YA NGAI KWA KWĨMANYĨSYA NESA, NA ĨNDĨ MŨISŨNGĨA MAKŨLYO AA:

• Kwosana na ana-a-asa na eĩtu-a-asa amwe meeyĩelesya, kwĩmanyĩsya Mbivilia kwĩ ũseo mwaũ?

• Nĩkĩ twaĩlĩte kũvoyaa kĩla ĩvinda tũtanambĩĩa kwĩmanyĩsya ithyĩ ene?

• Nĩ kyaũ kĩtonya kũtũtetheesya tũelewe mũsoa mũna nesanga?

• Nĩ movano meva me kĩvathũkanyʼo tũtonya kwĩkĩa yĩla tũkwĩmanyĩsya Mbivilia?

• Nĩkĩ kũvindĩĩsya nĩ kwa vata mũno yĩla tũkwĩmanyĩsya Ndeto ya Ngai?

• Twaĩlĩte kwĩkana ata na kĩla tweemanyĩsya?