Yeova Atonya Kwĩthĩwa na Woni Mwaũ?

Tũtanamba kwĩka ũtwi wĩthĩwe nĩ mũnene kana nĩ mũnini yo nĩtwambaa kwĩkũlya, ‘Yeova atonya kwĩthĩwa na woni mwaũ?’ O na kau tũikesa kũmanya kĩlĩko kya Yeova vyũ, nũtũvuanĩsye Ndetonĩ yake Mbivilia maũndũ matonya kũtũtetheesya kũtethya “kĩla wĩa mũseo.” (2Ti 3:16, 17; Alo 11:33, 34) Yesũ nĩwatataa kũmanya kwenda kwa Yeova na aikwĩka. (Yoa 4:34) Ekai tũatĩĩe ngelekanyʼo yake kwa kũtataa ũndũ tũtonya kĩla ĩvinda twĩkae motwi mekũmwendeesya Yeova.—Yoa 8:28, 29; Aev 5:15-17.

ĨLOELEI VITIO YĨ NA KYONGO, ENDEEA KŨMANYA KWENDA KWA YEOVA (ALI 19:18), NA ĨNDĨ MŨISŨNGĨA MAKŨLYO AA:

• Nĩkĩ twaĩlĩte kũatĩĩa myolooto ya Mbivilia thayũnĩ witũ?

• Nĩ myolooto yĩva ya Mbivilia ĩtonya kũtũtetheesya kũnyuva nesa mbathi ila tũkwĩthukĩĩsya?

• Nĩ myolooto yĩva ya Mbivilia ĩtonya kũtũtetheesya kũnyuva nesa ngũa ila tũkwĩkĩa na ũndũ tũkwĩyanakavya?

• Nĩ maũndũnĩ angĩ meva twaĩlĩte kũtũmĩa myolooto ya Mbivilia?

• Nĩ kyaũ kĩtonya kũtũtetheesya kũelewa nesanga woni wa Yeova maũndũnĩ?