Nĩ Maũndũ Meva Ũtonya Kwĩmanyĩsya Kuma Mbathinĩ Ila Ite Ĩvukunĩ ya Mbathi?

Nĩ mbathi syĩva ite ĩvukunĩ ya mbathi ũsyendete mũno? Ũsyendete nĩkĩ? Ũsyendete nũndũ wonaa vitio yasyo ĩkonetye maũndũ ala wĩkaa kĩla mũthenya? Kĩla ũmwe witũ no endeewʼe nĩ mbathi isu nũndũ syĩthĩawa ikonetye maũndũ maingĩ, na sinĩtwe kwa nzĩa syĩ kĩvathũkanyʼo. Ĩndĩ o na ũu wĩ o vo, mbathi ila ite ĩvukunĩ ya mbathi vamwe na vitio syasyo, iiseũvĩtwʼe kwondũ wa o kwĩtanĩthya tũ.

Kĩla wathi katĩ wa mbathi isu nũtũmanyĩasya maũndũ ma vata ala matonya kũtũtetheesya twĩthĩwe na mwĩkalĩle mũseo na twĩthĩwe atavanyʼa aseo. Mbathi imwe ikonetye kũthokya aeni, ngwatanĩo, ũnyanya, ũkũmbaũ, wendo, kana mũĩkĩĩo. Nasyo ingĩ ineeneete ĩũlũ wa kũmũsyokea Yeova, kũekea, kwĩkala twĩ aĩkĩĩku, na kwongela ũthũkũmi witũ. O na ve wathi ũmwe ũte ĩvukunĩ ya mbathi ũneeneete ũndũ twaĩle kũtũmĩa kĩlĩko yĩla tũũtũmĩa simũ. Nĩ maũndũ angĩ meva wĩmanyĩĩtye mbathinĩ isu?

ĨLOELEI VITIO YA WATHI ŨTE ĨVUKUNĨ YA MBATHI ŨLA WĨ NA KYONGO NTHĨ NZAŨ YĨ VAKUVĨ, NA ĨNDĨ MŨISŨNGĨA MAKŨLYO AA MAATĨĨE:

• Nĩ moathimo meva ma ĩvinda yũkĩte andũ asu akũũ meũsũanĩa?—Mwa 12:3

• Tũtonya kwĩka ata nĩ kana tũlũlũmĩĩlye mũĩkĩĩo witũ nthĩnĩ wa ũtonyi wa Yeova wa kwĩanĩsya maũndũ ala ũtwathĩte?

• Andũ ala makwʼĩĩwe me na wĩkwatyo wĩva?

• Moathimo ala makaetwe nĩ Ũsumbĩ matũtetheeasya ata kũmĩanĩsya na mathĩna ala twĩ namo?—Alo 8:25