Elesya Maũndũ Ala ma Vata Ũtũmĩĩte Ngelekanyʼo

Yĩla tũũsyokea andũ ala tũnatavisye ũvoo mũseo kana tũũmanyĩsya andũ Mbivilia, nĩtwaĩlĩte kũmatetheesya maelewe maũndũ ala ma vata. Yĩla twatũmĩa ngelekanyʼo kũelesya maũndũ ala ma vata, nĩtũkiitaa ngoo sya ala matwĩthukĩĩsye na ũyĩthĩa nĩ laisi kwoo kũlilikana maũndũ asu.

Ũyĩyũmbanyʼa nĩ kana ũsyokee mũndũ kana wĩmanyĩsye Mbivilia na mũndũ, nyuva maũndũ ala ma vata na ũisũanĩa ngelekanyʼo ila ũtonya kũtũmĩa. Na ĩndĩ ũitũmĩa ngelekanyʼo syĩ laisi na itonya kũeleeka na mĩtũkĩ. (Mt 5:14-16; Mko 2:21; Luk 14:7-11) O na ĩngĩ, nũseo kũsũanĩa vala ũsu ũũneena nake umĩte, na maũndũ ala wĩkaa kĩla mũthenya. (Luk 5:2-11; Yoa 4:7-15) Yĩla woona mwene nyũmba e mũtanu nũndũ nĩwaelewa nĩ ũndũ ũla mũnene ũũmũmanyĩasya, o naku nũtanaa.

ĨLOELEI VITIO, KWATA ŨTANU ŨLA WUMANAA NA KŨTWʼĨKĨTHYA ANDŨ AMANYĨWʼA—AĨLANGYA ŨTŨĨKA WAKU WA KŨELESYA MAŨNDŨ ALA MA VATA ŨTŨMĨĨTE NGELEKANYʼO, NA ĨNDĨ MŨISŨNGĨA MAKŨLYO AA:

• Nĩkĩ amanyĩwʼa matonya kwĩthĩwa mayenda kũtetheewʼa maelewe mĩsoa mĩna ya Mbivilia?

• Neeta atũmĩa ngelekanyʼo yĩva kũelesya ũwʼo ũla wĩ ĩandĩkonĩ ya Alomi 5:12?

• Ngelekanyʼo nzeo itonya kũtetheesya ethukĩĩsya maitũ ata?

• Yĩla twĩ ũtavanyʼa, nĩkĩ nĩ ũndũ wa vata kũtũmĩa vitio na syĩndũ ingĩ sya kũmanyĩsya ila ũseũvyo wa Yeova ũtũnengete?