Endeeai Kũmanyĩsya Ilĩko Syenyu

No nginya mũsembi aendeee kwĩkĩthya masoo make masoesi nĩ kana ethĩwe e mũsembi mũseo. O ta ũu, no nginya twĩkĩe kĩthito nĩ kana tũendeee kũmanyĩsya ilĩko sitũ. (Avl 5:14) O na kau mavinda angĩ no twende kwĩka motwi mavwʼanene na ma andũ angĩ, no nginya tũmanyĩsye ilĩko sitũ kũsũanĩa na tũyĩyĩkĩaa motwi. Nĩkĩ? Nũndũ kĩla mũndũ akaumya ũtalo kwondũ wa motwi make mwene.—Alo 14:12.

Tũyaĩlĩte kũsũanĩa kana tũkeekaa motwi maseo nũndũ twĩthĩĩtwe twĩ avatise vandũ va myaka mingĩ. Nĩ kana twĩke motwi maseo, no nginya tũmwĩkwatye Yeova vyũ, twĩkwatye Ndeto yake, na ũseũvyo wake.—Yos 1:7, 8; Nth 3:5, 6; Mt 24:45.

ĨLOELEI VITIO YĨ NA KYONGO “ĨTHĨWAI NA WASYA MŨSEO WA NGOO,” NA ĨNDĨ MŨISŨNGĨA MAKŨLYO AA MAATĨĨE:

• 

  Nĩ ũtwi wĩva Emma waaĩlĩte kwĩka?

• 

  Nĩkĩ tũtaĩlĩte kũthingʼĩĩsya ala angĩ maatĩĩe woni witũ maũndũnĩ makonetye wasya wa ngoo?

• 

  Nĩ ũtao wĩva mũseo mwana-a-asa ũmwe na mũka manengie Emma?

• 

  Emma akwatie va ũvoo ũla wamũtetheeisye kwĩka ũtwi mũseo?