ĨKĨA KĨTHITO WĨTHĨWE MŨTAVANYʼA MŨSEO | ŨNDŨ ŨTONYA KŨTANĨA MŨNANGO WĨA WA KŨTAVANYʼA
Ĩtĩkĩla Kũtetheewʼa Nĩ Atavanyʼa Ala Angĩ
Yeova nũtũtetheeasya kwĩsĩla ana-a-asa na eĩtu-a-asa maitũ “onthe” ĩũlũ wa nthĩ. (1Vt 5:9) No matũtetheesye kwa kũtwonyʼa ũndũ tũtonya kwĩka yĩla twakwatwa nĩ mathĩna twĩ ũtavanyʼa. Kwa ngelekanyʼo, mũtũmwa Vaulo nĩwatetheeiwʼe mũno nĩ Akwila na Vilisila, Sila, Timotheo na ana-a-asa angĩ.—Mek 18:1-5.
Atavanyʼa ala angĩ matonya ũkũtetheesya ata ũtavanyʼanĩ? No maũtavye maũndũ matonya kũũtetheesya yĩla wakomana na mũndũ ũkũvĩnga, makakwonyʼa ũndũ ũtonya kũsyokea andũ, kana ũndũ ũtonya kwĩmanyĩsya Mbivilia na andũ. Sũanĩa ĩũlũ wa mwana-a-asa kana mwĩĩtu-a-asa kĩkundinĩ kyenyu ũtonya ũkũtetheesya ũndũnĩ mũna, na ũimũkũlya aũtetheesye. Vate nzika inywʼonthe mũkatetheka mũno, na ũu ũituma mũendeea kwĩthĩwa mwĩ atanu.—Avi 1:25.
ĨLOELEI VITIO, KWATA ŨTANU ŨLA WUMANAA NA KŨTWʼĨKĨTHYA ANDŨ AMANYĨWʼA—ĨTĨKĨLA KŨTETHEEWʼA NĨ YEOVA KWĨSĨLA ANA-A-ASA MAITŨ, NA ĨNDĨ MŨISŨNGĨA MAKŨLYO AA MAATĨĨE:
Neeta eeka ata amũtetheesye Rose aendae maũmbanonĩ ma kĩkundi?
Nĩkĩ twaĩlĩte kũthokya atavanyʼa angĩ yĩla tũkwĩmanyĩsya Mbivilia na mũndũ?
Nĩ kana mũndũ atwʼĩke mũmanyĩwʼa wa Yesũ, atavanyʼa onthe kĩkundinĩ nĩmatetheeasya
Nĩ ũndũ wĩva ũvwʼanene wendeeasya Rose na Abigay?
Nĩ maũndũ meva makonetye ũtavanyʼa ũtonya kũmanyĩwʼa nĩ atavanyʼa ala angĩ?