Manyĩsya Amanyĩwʼa Maku ma Mbivilia Ũndũ Matonya Kwĩyĩĩthya Kĩ-veva

Nĩ kana tũtetheesye amanyĩwʼa ma Mbivilia mamũmanye Yeova na maitwʼĩka Aklĩsto aimu kĩ-veva, nĩmaĩle kwĩmanyĩsya maũndũ maingĩ eka o ũwʼo ũla tũmamanyĩasya. (Mt 5:3; Avl 5:12–6:2) O na nĩmaĩle kwĩmanyĩsya ũndũ maĩle kwĩyĩĩthya kĩ-veva.

Kuma yĩla mwambĩĩa kwĩmanyĩsya, onyʼa amanyĩwʼa maku ũndũ makeyũmbanasya na ũimekĩa vinya mekae ũu. (mwb18.03 6) Mekĩe vinya mavoyae matanambĩĩa kwĩmanyĩsya. Matetheesye mamanye ũndũ matonya kũtũmĩa syĩndũ ta simũ yĩla mekwĩmanyĩsya. Maelesye ũndũ matonya kũkwata syĩndũ nzaũ ila syĩkĩiwe nthĩnĩ wa jw.org na JW Broadcasting^®. O kavola kwa kavola, mamanyĩsye kũsoma Mbivilia kĩla mũthenya, kwĩyũmbanyʼa kwondũ wa maũmbano ma kĩkundi, na kwĩka ũkunĩkĩli makwate mosũngĩo ma makũlyo ala mekũlasya. Matetheesye masũanĩae kwa ũliku maũndũ ala me kwĩmanyĩsya.

ĨLOELEI VITIO YĨ NA KYONGO, TETHEESYA AMANYĨWʼA MAKU MA MBIVILIA MAMANYE ŨNDŨ MATONYA KWĨYĨĨTHYA KĨ-VEVA, NA ĨNDĨ MŨISŨNGĨA MAKŨLYO AA MAATĨĨE:

• Neeta amũtetheesya Rose ata amanye kana kwĩmanyĩsya tyo kũmanya mosũngĩo?

• Nĩ kyaũ kyamũtetheesya Rose aĩkĩĩe kana mwĩao wa Yeova wa kũleana na ũlaalai nĩwaĩlĩte?

• Rose amanya kyaũ ĩũlũ wa kũvindĩĩsya?