Ũĩ Nĩ wa Vata

Solomoni nĩwamwĩtisye Yeova ũĩ (1Asu 3:7-9; w11 12/15 8 ¶4-6)

Yeova nĩwatanie nũndũ Solomoni nĩweetisye ũĩ (1Asu 3:10-13)

Nũndũ Solomoni nĩwoonaa ũĩ wa Ngai wĩ wa vata, Aisilaeli mekalaa vate mũisyo (1Asu 4:25)

Mũndũ mũĩ nũtataa ũndũ ũtonya aelewe nesa ũndũ maũndũ mailyĩ, na aitũmĩa ũmanyi ũsu kwĩka motwi maseo. Ũĩ nĩ wa vata o na kwĩ thaavu. (Nth 16:16) No tũkwate ũĩ kwa kũmũvoya Ngai, kũmũkĩaa, kwĩthĩwa twĩ na wĩnyivyo, na kwa kwĩmanyĩsya Ndeto yake kwa ũliku.