MWĨKALĨLE WA AKLĨSTO
Mwĩkwatye Yeova Yĩla Ũũthĩnwʼa
Ala meũtũthĩnyʼa no matũũmĩsye kana makatuma tũkwʼa ngoo. O na no matume ngwatanĩo yitũ na Yeova yanangĩka twakwatwa nĩ wia yĩla mavĩnga wĩa witũ. Ũtonya kwĩsũvĩa ata yĩla ve mũndũ ũkwenda kũũthĩnyʼa?
Athaithi aingĩ ma Yeova nĩmethĩĩtwe mayũmĩanĩsya na andũ ala meũmathĩnyʼa kwa kũmwĩkwatya Yeova. (Sav 18:17) Kwa ngelekanyʼo, Esita nĩwaneenie nĩ kana avuanyʼe mĩvango ya mũndũ waĩ mũthũku na wathĩnasya Ayuti mũno weetawa Amani. (Est 7:1-6) Atanamba kwĩka ũu, nĩwoonanisye nĩwamwĩkwatĩtye Yeova kwa kũtĩĩa kũya. (Est 4:14-16) Yeova nĩwaathimie maũndũ ala weekie na amũsũvĩa vamwe na andũ make.
Amũika, ethĩwa ve mũndũ ũkũmũthĩnyʼa, mũkũlyei Yeova amũtetheesye na mũineena na mũndũ mũimu, ta asyai menyu ĩũlũ wa ũndũ ũsu. Mweeka ũu, no mwĩthĩwe na mũĩkĩĩo kana Yeova akamũtetheesya o ũndũ watetheeisye Esita. Nĩ ũndũ ũngĩ wĩva mũtonya kwĩka mũmĩanĩsye na mũndũ ũkũmũthĩnyʼa?
ĨLOELEI VITIO, YĨLA NAĨ WA MŨIKA—NDONYA KWĨKA ATA NATHĨNWʼA? NA ĨNDĨ MŨISŨNGĨA MAKŨLYO AA:
Andũ ma mũika matonya kwĩmanyĩsya kyaũ ngelekanyʼonĩ ya Charlie na Ferin?
Ndeto sya Charlie na Ferin syĩmanyĩsya asyai kyaũ ĩũlũ wa kũtetheesya syana syũmĩanĩsye na andũ ala mekũithĩnyʼa?