Ngai Nũkũthĩnĩkĩaa
MBIVILIA nĩyo ĩtonya kũtũnenga ũtao ũla mũseo vyũ nũndũ yumĩte kwa Ngai. O na kũtwʼĩka yo ti ĩvuku ya ũiiti, no ĩtũtetheesye tũkathĩnĩkĩa maũndũ ala meũtũthĩnyʼa, mesisya mataĩle, mawĩmakĩo, na mathĩna ma mwĩĩ na ma kĩlĩko.
Na ũndũ ũla wa vata vyũ nĩ kana Mbivilia ĩtũĩkĩĩthĩtye kana Mũmbi witũ, Yeova Ngai,a nũeleawa nesa vyũ mosũanĩo maitũ na ũndũ tũkwĩwa kwĩ mũndũ o na wĩva. Ethĩawa na mea ma kũtũtetheesya tũmĩanĩsye na mathĩna o na meva ala meũtũkwata. Kwa ngelekanyʼo, sũanĩa mĩsoa ĩĩ ĩlĩ yĩ Mbivilianĩ ĩtonya kũtũkiakisya:
“Yeova e vakuvĩ na ala matũlĩkĩte ngoo.”—SAVULI 34:18.
“Nyie, Yeova Ngai waku, ngakũkwata kwʼoko kwaku kwa aũme, ngĩkwĩa, Ndũkakĩe; ngakũtethya.”—ISAIA 41:13.
Ĩndĩ we Yeova atũtetheeasya ata tũmĩanĩsye na mathĩna na kĩlĩko? O tondũ ũkwona ilungunĩ ila iatĩĩe, Yeova nĩwonanasya kana kwa wʼo nũtũthĩnĩkĩaa kwa nzĩa syĩ kĩvathũkanyʼo.
a Yeova nĩyo ĩsyĩtwa ya Ngai.—Savuli 83:18.