Ũndũ wa Kwĩmanyĩsya

Mantha Maũndũ Maingĩ Ũtonya Kwĩmanyĩsya Ĩũlũ wa Yeova

Yĩla tũũsoma Mbivilia, no twĩke ũkunĩkĩli nĩ kana tũelewe nesanga kĩla tũũsoma. Ĩndĩ tũikwenda kwĩmanyĩsya nĩ kana twongele ũmanyi tu. Twĩenda kwĩmanyĩsya maũndũ maingangĩ ĩũlũ wa nguma sya Yeova nĩ kana tũmwende mũnango. Nĩ kana twĩanĩsye kĩu, no twĩkũlye-ĩ, ‘Yo mĩsoa ĩno yĩmanyĩsya kyaũ ĩũlũ wa Yeova?’

Kwa ngelekanyʼo, no ũtate kũsisya ũndũ Yeova wonanĩtye ila nguma syake nene, nasyo nĩ wendo, ũĩ, ũsili wa katĩ, na vinya. Ĩndĩ isu tisyo nguma sya Yeova syoka. E o nguma ingĩ nzeo. Ũtonya kũkwata ũvoo mwingangĩ va ĩũlũ wasyo?

Sisya nguma ingĩ mbee wa 30 nthĩnĩ wa Fahirisi ungu wa kyongo “Yehova,” na ĩndĩ ungu wa kongo kanini “Sifa Kulingana na Majina.” Soma ĩũlũ wa nguma ila syĩkwosana na mĩsoa ya Mbivilia ĩla ũũsoma. (Ethĩwa no Ĩvuku ya Kwĩka Ũkunĩkĩli ya Ngũsĩ sya Yeova ũtonya kũkwata yĩ yoka, sisya ungu wa kyongo “Yeova Ngai,” na ĩndĩ ungu wa kongo kanini “Nguma sya Yeova.”)