Itumi sya Kwĩthĩwa na Wĩkwatyo Mwaka wa 2023—Mbivilia Yaĩtye Ata?

Tũyambĩĩa mwaka wa 2023, ithyonthe o vamwe na mĩsyĩ yitũ, twĩ na wĩkwatyo wa maũndũ maseo. Nĩkĩ tũtonya kwĩthĩwa na wĩkwatyo?

Mbivilia nĩtũnengete wĩkwatyo

Mbivilia nĩtũtavĩtye ũvoo mũseo wa kana mathĩna ala matũkwataa ũmũnthĩ no ma kavinda na o mĩtũkĩ nĩmeũthela. O na eka ũu, maũndũ onthe ala me Mbivilianĩ “maandĩkiwe kwondũ wa kũtũmanyĩsya, nĩ kana kwĩsĩla. . . ũkiakisyo ũla wĩ Maandĩkonĩ tũtonye kwĩthĩwa na wĩkwatyo.”—Alomi 15:4.

• Nĩ kana wĩmanyĩsye mũnango ĩũlũ wa mawatho ala me Mbivilianĩ, soma kĩlungu kĩ na kyongo, “Tumaini Bora la Wakati Ujao.”

Wĩkwatyo ũtonya kũũtethya ũmũnthĩ

Wĩkwatyo ũla wĩ Mbivilianĩ nũtonya kwĩthĩwa ta “nanga ya thayũ witũ.” (Aevelania 6:19) Wĩkwatyo ũsu no ũtũlũlũmĩĩlye. Nũtonya kũtũtetheesya tũmĩanĩsye na mathĩna ala twĩ namo, twĩthĩwe na woni ũla waĩle, na tũyĩthĩwa na ũtanu ũteũthela. Kwa ngelekanyʼo:

• Sisya wone ũndũ wĩkwatyo ũla wĩ Mbivilianĩ watetheeisye mũndũũme ũmwe wakwetwe vyũ nĩ ndawa sya kũmila. Ĩloele vitio yĩ na kyongo, Neewʼaa Nakwie Ngoo Vyũ.

• Sisya wone ũndũ wĩkwatyo ũla wĩ Mbivilianĩ ũtonya kũtũtetheesya yĩla twakwʼĩĩwa nĩ mwendwa witũ. Ĩloele vitio yĩ na kyongo, Ũkiakisyo Kwondũ wa Ala Makwʼĩĩwe.

Lũlũmĩĩlya wĩkwatyo waku

Andũ aingĩ nĩmekwatasya maũndũ maseo nĩmekwĩkĩka, ĩndĩ mayĩthĩawa mesĩ nesa kana wĩkwatyo woo ũkesa kwĩanĩa. Ĩndĩ kĩla Mbivilia yathanĩte kĩ kĩvathũkanyʼo. Nĩkĩ? Nũndũ mawatho ala me Mbivilianĩ maumĩte kwa Yeova Ngai,a “nake ndatonya kũneena ũvũngũ.” (Tito 1:2) No Yeova e weka wĩ na ũtonyi wa kwĩanĩsya mawatho make onthe; nũtonya ‘kwĩka ũndũ o na wĩva ũla wenda.’—Savuli 135:5, 6.

Nĩtũũkũthokya na ũtanu nĩ kana ũtetheke nĩ wĩkwatyo wa wʼo ũla Mbivilia ĩtũnengete. No wĩthĩwe ũte na nzika nawʼo ‘wakunĩkĩla Maandĩko.’ (Meko ma Atũmwa 17:11) Tata mũvango witũ wa kwĩmanyĩsya Mbivilia na mwalimũ vate ndĩvi, nĩ kana wĩyĩĩkĩĩthye ũndũ ũsu. Ambĩĩa mwaka wa 2023 wĩ na wĩkwatyo!