Makaũ Makathela Ĩndĩĩ?—Mbivilia Ĩmanyĩasya Ata?

Mũandĩki mũnene wa Ngwatanĩo ya Nthĩ, António Guterres, aineenea ũndũ Iran yavithũkĩie Israel Wathanthatũ, Matukũ 13, Mwei wa 4, 2024, aisye atĩĩ: “Yĩĩ nĩyo ĩvinda ya kũtata kũvoovya maũndũ na kũolanga mũisyo. Yĩĩ nĩyo ĩvinda ya kwĩsiĩĩa mũno.”

Kaũ ũsu wĩ Middle East, no ũmwe katĩ wa makaũ maingĩ ala mekwʼo ĩũlũ wa nthĩ.

“Yu tũĩ, ĩũlũ wa Nthĩ kwĩ na ithokoo mbingĩ kwĩ ĩvinda yĩngĩ o na yĩva kuma yĩla kwaĩ na Kaũ wa Kelĩ wa Nthĩ Yonthe. Andũ mbilioni 2, ala nĩ kĩlungu kya 25 ĩũlũ wa 100 kya ũtalo wa andũ onthe ĩũlũ wa nthĩ, nĩmakwatĩtwe nĩ wasyo.”—United Nations Security Council, Matukũ 26, Mwei wa 1, 2023.

Isio ila syĩ na ithokoo nĩ vamwe na Israel, Gaza, Syria, Azerbaijan, Ukraine, Sudan, Ethiopia, Niger, Myanmar, na Haiti.a

Wʼo kaũ ũkathela ĩndĩĩ? Mo atongoi ma nthĩ ĩno no maete mũuo? Mbivilia yaĩtye ata?

Makaũ ĩũlũ wa nthĩ

Makaũ ala me ĩũlũ wa nthĩ nĩ wonanyʼo wa kana o mĩtũkĩ makaũ nĩmeũthela vyũ. Makaũ asu maendeee kwĩanĩsya wathani wĩ Mbivilianĩ ũkonetye ĩvinda yĩĩ tũtwĩe. Mbivilia yĩtĩte ĩvinda yĩu, “mũminũkĩlyo wa ĩvinda yĩĩ.”—Mathayo 24:3.

• Mbaĩ ĩkookĩlĩla mbaĩ na ũsumbĩ ũkookĩlĩla ũsumbĩ.”—Mathayo 24:6, 7.

Soma kĩlungu kĩ na kyongo, “Ni Nini Ishara ya “Siku za Mwisho”?” nĩ kana ũmanye ũndũ makaũ ala mekwʼo meanĩĩtye wathani wa Mbivilia.

Kaũ ũkamina makaũ onthe

Mbivilia nĩyathanĩte kana ithokoo syonthe sya andũ ikathela. Ũu ũkeekĩka ata? Ti kĩthito kya andũ kĩkatuma ũndũ ũsu wĩkĩka, ĩndĩ nĩ Alimaketoni, ũla nĩ “kaũ wa ũla mũthenya mũnene wa Ngai Mwene Vinya Wʼonthe.” (Ũvuanyʼo 16:14, 16) Ĩtina wa kaũ ũsu, Ngai akeanĩsya watho wake wa andũ kwĩkala na mũuo tene na tene.—Savuli 37:10, 11, 29.

Nĩ kana wĩmanyĩsye mũnango ĩũlũ wa kaũ ũsu wa Ngai ũkatuma makaũ onthe mathela, soma kĩlungu kĩ na kyongo, “Kaũ wa Alimaketoni Nĩ Kyaũ?”