Ve Vandũ Ngai Wĩkalaa?

Ũndũ Mbivilia yaasya

Ũsũngĩo nĩĩ ĩĩ. Ngai ekalaa ĩtunĩ. Kwoona ũndũ mĩsoa ĩno yonanasya:

Mũsumbĩ Solomoni aisye ta ũũ Mboyanĩ: “Wĩĩthukĩĩsya wĩ ĩtunĩ ũtũonĩ waku.”—1 Asumbĩ 8:43.

Yesũ Klĩsto eeie amanyĩwʼa make mavoyae kwa “Asa waitũ ũla wĩ ĩtunĩ.”—Mathayo 6:9.

Ĩtina wa Yesũ kũthayũũkwʼa, alikile “ĩtunĩ e yo, nĩ kana onekae yu mbee wa ũthyũ wa Ngai.”—Aevelania 9:24.

Mĩsoa ĩsu yĩonanyʼa nesa vyũ kana Yeova kwa wʼo e vo, na ekalaa ĩtunĩ, ĩndĩ ti kĩla vandũ.