Maelesyo ma Kwongeleela

a Nĩ kana mũsyĩ ũendeee nesa, no nginya kĩla ũmwe amanye kĩanda kyake na aitetheanĩsya na ala angĩ. Kwa ngelekanyʼo, mwene mũsyĩ nĩwaĩle kũtongoesya andũ make kwa nzĩa ĩkwonanyʼa nũmendete, mũka nĩwaĩlĩte kũmũkwata mbau, nasyo syana nĩsyaĩlĩte kũmewʼa asyai. No ta ũu na mũsyĩ wa Yeova. Ngai aitũmba aĩ na kĩeleelo, na twakwata mbau kĩeleelo kĩu, twĩendeea kwĩthĩwa twĩ ma mũsyĩ wake tene na tene.