Asili
5 Mũthenyanĩ ũsu, Ndevola vamwe na Mbalaka mwana wa Avinoamu mainie wathi ũũ:
3 Ĩthukĩĩsyei, inywʼĩ asumbĩ! Teai kũtũ, inywʼĩ atongoi!
Ngamwinĩa Yeova.
Ngaina mbathi sya kũtaĩa Yeova, Ngai wa Isilaeli.*
4 Yeova, yĩla waumie Seili,
Yĩla wesĩile kĩsionĩ kya Etomu na vinya,
Nthĩ nĩyathingithie, na yayaya yeta kĩwʼũ,
Matu metĩkya kĩwʼũ.
5 Iĩma nĩsyatwekie* mbee wa ũthyũ wa Yeova,
O na Sinaĩ mbee wa ũthyũ wa Yeova, Ngai wa Isilaeli.
6 Mĩthenyanĩ ya Samikali mwana wa Anathi,
Mĩthenyanĩ ya Yaeli, nzĩa nĩsyatiiwe;
Aendi ma kyalo mesĩlaa tũsĩlanĩ twa myathũko.
7 Ala mekalaa motũinĩ ma Isilaeli mayaĩ vo ĩngĩ;*
Mayaĩ vo nginya nyie, Ndevola, nookĩla,
Nginya yĩla nookĩlile ta inyia nthĩnĩ wa Isilaeli.
8 Nĩmanyuvie ngai nzaũ;
Na ĩndĩ kwaĩ kaũ mĩvĩanĩ.
Ngao ndyaĩ yoneka, o na ĩtumo,
Katĩ wa andũ 40,000 nthĩnĩ wa Isilaeli.
9 Ngoo yakwa yĩ vamwe na aũngamĩi ma ita ma Isilaeli,
Ala meenenganie mathi vamwe na andũ.
Mũtaĩei Yeova!
10 Inywʼĩ mũkuawa nĩ mangʼoi mailye ta matune,
Inywʼĩ mwĩkalĩlaa mĩkeka mĩseo,
Na inywʼĩ mwĩsĩlaa nzĩanĩ,
Sũanĩai!
11 Wasya wa ala mautaa kĩwʼũ nĩweewʼĩkie kũndũnĩ kwa kũngʼithĩsya;
Me kũu nĩmaeleasya meko malũngalu ma Yeova,
Meko malũngalu ma andũ make ala mekalaa motũinĩ ma Isilaeli.
Nĩvo ĩndĩ andũ ma Yeova matheeie mĩvĩanĩ.
12 Amũka, amũka, we Ndevola!
Amũka, amũka, ina wathi!
Ũkĩla, Mbalaka! Tongoesya andũ maku atave mathi, we mwana wa Avinoamu!
13 Nĩvo ĩndĩ ala matialile matheeie kũla kwĩ anene;
Andũ ma Yeova nĩmatheeie kũla nĩĩ nĩ kana tũkite na ala me vinya.
14 Ala me mwandanĩ,* maumĩte Evilaimu;
Nĩmakũatĩĩe, we Mbenyamini, katĩ wa andũ maku.
Aũngamĩi ma ita matheeie kuma Makili,
Na ala makuaa ndata ya ũla ũandĩkĩthasya andũ itanĩ* nĩmaumie Nzevuluni.
15 Anene me mbee ũsumbĩnĩ ma Isakali maĩ vamwe na Ndevola,
Na ũndũ Isakali waĩ vamwe na Ndevola, nowʼo o nake Mbalaka waĩ vamwe nake.
Nĩwatũmiwe ũiĩnĩ wĩ mwandanĩ na maaũ.
Katĩ wa ikundi sya Leũveni andũ nĩmathianie ngoo syoo mũno.
16 Nĩkĩ wekalile katĩkatĩ wa matandĩko elĩ,
Ũmethukĩĩsye maikũnĩa ndĩthya syoo mũtũlilũ?
Nũndũ ikundinĩ sya Leũveni, andũ nĩmathianie ngoo syoo mũno.
17 Ngileati aendeeie kwĩkala mũingo wa Yolotani;
Na Ndani, nĩkĩ wekalile melinĩ?
Aseli ekalile nthĩ mana ũtee wa ũkanga,
Na aendeea kwĩkala ilĩndĩnĩ syake.*
18 Andũ ma Nzevuluni nĩmalikilye mathayũ moo mũisyonĩ* kũvika kũkwʼa;
Andũ ma Navitali o namo, me iĩmanĩ.
Mayaaosa mũtavo o na ũmwe wa vetha.
20 Ndata syĩ ĩtunĩ nĩsyokitie;
Nĩsyamũkitie Sisela syĩ nzĩanĩ syasyo.
21 Kalũsĩ ka Kisoni nĩkausũie kĩwʼũ na kamakua,
Kalũsĩ ka tene, kalũsĩ ka Kisoni.
Nĩwakinyangĩie nthĩ ala me vinya, we thayũ* wakwa.
22 Nĩvo ĩndĩ mavũngũ ma mbalasi makinyie nthĩ mũno vyũ
Yĩla mbalasi syake nũme syasembete mũno vyũ.
23 ‘Umanĩa Melosi,’ aisye ũu mũlaĩka wa Yeova,
‘Ĩĩ, umanĩa ekali mayo,
Nũndũ mayaaũka kũmũtetheesya Yeova,
Kũtetheesya Yeova vamwe na ala me vinya.’
24 Yaeli nĩ mũathime vyũ katĩ wa aka onthe
Mũka wa Eeveli ũla Mũkeni;
Nĩwe mũathime vyũ katĩ wa aka ala mekalaa maeemanĩ.
25 Amwĩtisye kĩw’ũ; amũnengie ĩia.
Amũnengie ĩia ĩkaatu yĩ* mbakũlinĩ nene.
26 Nĩwatambũũkisye kwʼoko kwake oosa kyambo kya ĩeema,
Kwʼoko kwake kwa aũme oosa nyũndo ya vundi.
Na aathĩĩa kyambo kĩu mũtwenĩ wa Sisela, aũvevenza,
Na aatũa mũtwe wake na aũtonya.
27 Nĩwavalũkile katĩ wa maaũ make; nĩwavalũkile na ndaanyaunyia;
Nĩwavalũkile katĩkatĩ wa maaũ make;
Vala wavalũkile, no vo wakwʼĩĩie.
28 Mũndũ mũka nĩwasyaĩlye ndĩlĩsyanĩ,
Inyia wa Sisela nĩwasyaĩlye myanyanĩ ya mĩtĩ ya ndĩlĩsya,
‘Nĩkĩ ĩkasya yake yĩseleiwe kũka?
Nĩkĩ makinya ma mavũngũ ma makasya make maseleiwe ũu?’
29 Aka ala oĩ katĩ wa aka make me ndaĩa nĩmamũsũngĩaa;
Ĩĩ, o nake atindĩaa kwĩtavya,
30 ‘No nginya methĩwe maiaana mũtavo ũla makwatie,
Kĩla ngũmbaũ mwĩĩtu* ũmwe, eĩtu* elĩ,
Mũtavo wa ngũa ĩkundĩtwʼe langi kwondũ wa Sisela, mũtavo wa ngũa ĩkundĩtwʼe langi,
Ngũa mbanakavye, ngũa ĩkundĩtwʼe langi, ngũa ilĩ mbanakavye
Kwondũ wa ngingo sya ala matavie.’
31 Eka amaitha maku onthe mathele, ame Yeova,
Ĩndĩ eka ala makwendete methĩwe ta sua yĩyuma ũtheunĩ mũtisu wayo.”
Na nthĩ yeethĩwa na ũthũmũo* myaka 40.