-
Nĩwonaa Thayũ Wĩ Wa Vata O Tondũ Ngai Ũwonaa?“Ĩyĩkalyei Ene Wendonĩ wa Ngai”
-
-
16. Nĩ mwolooto wĩva wa Mbivilia ũkonanĩtye na kumya ĩvu? (Ĩngĩ, sisya maelesyo ma kwongeleela.)
16 O na thayũ wa kana kate kasyae wĩ vata methonĩ ma Ngai. Nthĩnĩ wa Isilaeli ya tene, ethĩwa mũndũ nĩwaũmĩsya kĩveti kĩito, na kĩveti kyu kĩikwʼa kana mwana ũla wĩ ĩvunĩ yakyo aikwʼa, Ngai nĩwamũtalĩlaa mũndũ ũsu naĩ ya kũaa, na aaĩle kũĩva “thayũ vandũ va thayũ.”c (Soma Kuma 21:22, 23.) Kwatata kũsũanĩa ũndũ Yeova wĩwʼaa oona syana mbingĩ ila ikusaa kĩla mwaka ĩla aka maumya mavu. Aingĩ ma aka asu maumasya mavu nũndũ mayĩenda kũeka ũlaalai, na mayĩenda kwovwa nĩ syana.
-
-
Nĩwonaa Thayũ Wĩ Wa Vata O Tondũ Ngai Ũwonaa?“Ĩyĩkalyei Ene Wendonĩ wa Ngai”
-
-
c Aandĩki ma mavuku ma kũelesya ndeto ila itũmĩĩtwe Mbivilianĩ maĩtye kana, veonekana kana ndeto sya Kĩevelania ila itũmĩĩtwe ĩandĩkonĩ yĩu “iitonya kwĩthĩwa iiweta ĩũlũ wa kũũmĩwʼa kwa kĩveti kyoka.” Ĩngĩ, manya kana Mbivilia ndyaĩtye ũsilĩlo wa Yeova ũtengemeaa ũkũũ wa kana kala kaumwʼa.
-