Nũndũ wĩa wa kũtavanyʼa nĩ wa vata mũno, Yesũ nĩwakindĩlĩĩile kana amanyĩwʼa make maĩle kwĩthĩwa me oĩ nĩ kana maendeee kwĩthĩwa na ũthasyo wa kũtethya wĩa ũsu. Aisye atĩĩ: “Mamũthĩnyʼa ndũanĩ ĩmwe, kĩai mũthi ĩngĩ; nũndũ nĩ wʼo nĩngũmwĩa kana mũikakomanyʼa nongi ndũa syonthe sya Isilaeli Mwana wa mũndũ atavikĩte.”—Mathayo 10:23.

Kwa wʼo, Yesũ aneenaa ĩũlũ wa maũndũ makekĩka ĩvinda yũkĩte yĩla watavasya atũmwa ndeto isu. Kwasũanĩa ndeto ila watavisye amanyĩwʼa make yĩla wameie kana maikakomanyʼa nongi ndũa syonthe “Mwana wa mũndũ atavikĩte.” Ndeto isu syoonanasya kana amanyĩwʼa maikamina wĩa wa kũtavanyʼa ĩũlũ wa Ũsumbĩ wa Ngai, Yesũ Klĩsto, ũla yu nĩ Mũsumbĩ, atokĩte ta mũsili wa Ngai.