“Syaĩĩsyai”

25:1-12

O na kau Yesũ ayumya ngelekanyʼo ya eĩtu ĩkũmi aneeneaa Aklĩsto etĩkĩwʼa mauta, maũndũ ala waneenie no matethye Aklĩsto onthe. (w15 15/3 12-16) Nĩkyo kĩtumi waisye atĩĩ: “Syaĩĩsyai ĩndĩ, nũndũ mũtyĩsĩ mũthenya kana saa.” (Mt 25:13) We no ũelesye ngelekanyʼo ĩsu ya Yesũ?

• Mũtwaani (mũsoa wa 1)—Yesũ

• Eĩtu oĩ (mũsoa wa 2)—Aklĩsto etĩkĩwʼa mauta ala meyũmbanĩtye kũtethya wĩa woo me aĩkĩĩku na ala makenaa ta kyeni nginya mũthya (Avi 2:15)

• Wasya mũnene, “Sisyai, mũtwaani nĩwũkĩte!” (mũsoa wa 6)—Ũĩkĩĩthyo wa kana Yesũ nũsumbĩkĩte e mũsumbĩ ũtenekee

• Eĩtu atumanu (mũsoa wa 8)—Aklĩsto etĩkĩwʼa mauta ala maendaa kũkomana na mũtwaani, ĩndĩ mataendeeaa kũsyaĩĩsya na mataendeeaa kwĩthĩwa me aĩkĩĩku

• Eĩtu oĩ mailea kũolela ala angĩ mauta (mũsoa wa 9)—Ĩtina wa ũsiĩlo wa mũthya, Aklĩsto etĩkĩwʼa mauta maikethĩwa matonya kũtetheesya ala mate aĩkĩĩku

• “Mũtwaani ooka” (mũsoa wa 10)—Yesũ ayũka kũsilĩla etĩkĩwʼa mauta mũthyanĩ wa ũla thĩna mũnene

• Eĩtu oĩ mavota vamwe na mũtwaani mbokanĩ ya mũtwaano, na mũomo wavingwa (mũsoa wa 10)—Yesũ ayũmbanyʼa Aklĩsto etĩkĩwʼa mauta ala aĩkĩĩku methĩwe nake ĩtunĩ, ĩndĩ ala mate aĩkĩĩku mayasya ĩtuvi yoo ya kũthi ĩtunĩ