-
Tanĩa Ũseo Wĩanĩ Waku Mũmũ“Ĩyĩkalyei Ene Wendonĩ wa Ngai”
-
-
6, 7. Nĩ kyaũ kĩkwonanyʼa kana Yesũ ethĩĩtwe e mũthũkũmi wĩ kĩthito kwa ĩvinda ĩasa?
6 Yesũ o nake ethĩĩtwe e mũthũkũmi wĩ kĩthito kwa ĩvinda ĩasa. Atanamba kũka kũũ nthĩ, aĩ “mũthũkũmi mũnene” wa Ngai nthĩnĩ wa wũmbi wa syĩndũ syonthe, “sya ĩtunĩ na sya kũũ nthĩ.” (Nthimo 8:22-31; Akolosai 1:15-17) Ĩla Yesũ waĩ kũũ nthĩ, nĩwaendeeie kwĩthĩwa e mũthũkũmi wĩ kĩthito. E mũnini, nĩweemanyĩisye wĩa wa kũseũvya syĩndũ sya mwako, na nĩkyo kĩtumi weetawa “mũseũvya wa mbwaũ.”a (Maliko 6:3) Ũsu waĩ wĩa wĩ vinya mũno na wendaa ũmanyi wa maũndũ me kĩvathũkanyʼo, mũno mũno ĩvinda ya tene ĩla kũtaĩ masinĩ sya kwatũa mbwaũ, nduka sya kũta mbwaũ, kana tũmasinĩ twa sitima. Kwasũanĩa Yesũ aendete kwĩmanthĩa mbwaũ. Kwa ngelekanyʼo, sũanĩa aitema mĩtĩ na aimĩkusya nginya vala ũkũtethesya wĩa. Kwakũna visa kĩlĩkonĩ Yesũ ayaka nyũmba kwa kũseũvya na kũathĩĩa mĩtĩ ya kĩala, kũseũvya mĩomo, o na aiseũvya ĩmwe ya mĩio ya nyũmba, ta ivĩla na mesa. Vai nzika kana Yesũ nĩwakwatie ũtanu ũla wumanaa na kũtethya wĩa mũmũ kwa ũtũĩka.
-
-
Tanĩa Ũseo Wĩanĩ Waku Mũmũ“Ĩyĩkalyei Ene Wendonĩ wa Ngai”
-
-
a Ndeto ya Kĩkiliki ĩla ĩalyũlĩtwe “mũseũvya wa mbwaũ” ĩtũmĩawa kũelesya “maũndũ maingĩ ala meekawa nĩ mũseũvya wa mbwaũ, ethĩwe athũkũmaa myakonĩ kana aseũvasya mĩio ya nyũmba ta mesa na ivĩla, kana syĩndũ ĩngĩ sya mbwaũ.”
-