Nĩ Kyaũ Kyendekaa Nĩ Kana Tũmũatĩĩe Yesũ?

9:62

Nĩ kana mũndũ ũla ũkũĩma na mũlaũ ateme mĩtaũ mĩlũngalu, ndaĩle kũvĩngĩĩswa nĩ maũndũ ala me ĩtina. O ta ũu, Aklĩsto mayaĩle kwĩtĩkĩla mavĩngĩĩswe nĩ syĩndũ sya nthĩ ila matiie ĩtina.—Avi 3:13.

Ĩla twakwatwa nĩ mathĩna nĩ laisi tũkendeewʼa nĩ ĩvinda yĩla twoonaa tũendeee nesa tũtanamba kũmanya ũwʼo. Tweeka ũu, mavinda maingĩ nĩtwongeleelaa mautĩĩo ũtanu ũla twaĩ nawʼo, na tũyĩola ũito wa mathĩna ala matũkwataa ĩvinda yĩu. Ũu nĩwʼo Aisilaeli meekie mauma Misili. (Mot 11:5, 6) Twaendeea kũsũanĩa maũndũ ma tene, nĩ laisi tũkatatwa tũsyokee maũndũ asu tweekaa. Nĩ ũndũ mũseo mũno kũmanya moathimo ala twĩ namo oyu, na tũisũanĩa mũno maũndũ ala tũkatanĩa Ũsumbĩnĩ wa Ngai!—2Ako 4:16-18.