Aũme kenda ala mavoiwʼe nĩmaendeeie na kyalo kyoo. Ĩndĩ ũmwe waĩ Mũsamalia eewie ataendeea. Avangie kũsyoka akamanthe Yesũ. Amũmanthĩaa kyaũ? Mũndũ ũsu eewie akiitwa ngoo mũno nĩ ũndũ ũla Yesũ wamwĩkie. Na nũndũ wa ũu, nĩwaendie “aimũkumya Ngai na wasya mũnene” nũndũ nĩwamanyie vyũ kana Ngai nĩwe watuma avoa. (Luka 17:15) Yĩla wakomanie na Yesũ nĩwavalũkile mbee wake na amũtũngĩa mũvea.

Yĩla Yesũ wavoisye andũ asu ĩkũmi, nĩwoonanisye kana Yeova Ngai nũmũkwete mbau. O vamwe na kũvowʼa, ũla mũndũ wasyokie kũtũnga mũvea nũtonya kwĩthĩwa akwatie nzĩa ya thayũ. Ũmũnthĩ Ngai ndatũmĩaa Yesũ kwĩka syama sya kũvosya ũndũ weekaa ĩvinda yĩu. Ĩndĩ twamũĩkĩĩa Yesũ, no tũkwate nzĩa ya thayũ, nawʼo nĩ thayũ wa tene na tene. Ĩndĩ ithyĩ nĩtwonanasya kana nĩtũũtũnga mũvea o tondũ Mũsamalia ũsu weekie?