-
Tũtonya Kwĩka Ata Nĩ Kana Ũthaithi Witũ Ũmwendeesye Ngai?Tanĩa Thayũ Tene na Tene!—Masomo ma Mbivilia Matonya Kũũtethya
-
-
1. Mũsingi wa ũthaithi witũ waĩle kwĩthĩwa ne kyaũ?
Ũthaithi witũ waĩlĩte kwĩthĩwa umanĩte na Mbivilia. Yesũ eeie Ngai atĩĩ: “Ndeto yaku nĩyo wʼo.” (Yoana 17:17) Ndĩni imwe iilũnganaa na ũwʼo ũla wĩ Ndetonĩ ya Ngai mbeveee. Vandũ va kũmanyĩsya ũwʼo ũsu imanyĩasya momanyĩsyo ma andũ na syĩthĩo sya andũ. Ĩndĩ Yeova ndendeeawʼa nĩ ala ‘maleaa na maũĩ kũkwata mĩao yake.’ (Soma Maliko 7:9) Ĩndĩ kĩvathũkanyʼo na ũu, ngoo yake nĩtanaa mũno yĩla twalũmanyʼa na Mbivilia na twaatĩĩa ũtao wayo.
-
-
Ngũsĩ sya Yeova Nĩ Aklĩsto ma Wʼo?Tanĩa Thayũ Tene na Tene!—Masomo ma Mbivilia Matonya Kũũtethya
-
-
1. Maũndũ ala Ngũsĩ sya Yeova iĩkĩĩaa maumĩte va?
Yesũ aisye atĩĩ: “Ndeto [ya Ngai] nĩyo wʼo.” (Yoana 17:17) O ta Yesũ, maũndũ ala Ngũsĩ sya Yeova iĩkĩĩaa methĩawa maumanĩte na Ndeto ya Ngai. Kwa ngelekanyʼo, sũanĩa ĩũlũ wa isitoli ya Ngũsĩ sya Yeova, ila mbeenĩ syeetawa amanyĩwʼa ma Mbivilia. Ta myakanĩ ya 1870, kĩkundi kĩmwe kya amanyĩwʼa asu nĩkyambĩĩie kũkunĩkĩla nesa ũndũ Maandĩko maĩtye. Kuma vau, nĩmambĩĩie kũĩkĩĩa kĩla Mbivilia yawetie o na ethĩwa kĩyoosanĩte na kĩla ndĩni mbingĩ syamanyĩasya. O na nĩmambĩĩie kũtavya andũ angĩ ũwʼo ũla wĩ Mbivilianĩ.a
-