• Ũndũ Ũtonya Kũmĩĩsya Mathĩna wĩ Mũtanu
    Mũsyaĩĩsya (Ĩkaseti ya Kwĩmanyĩsya)—2021 | Mwei wa 2

    • 2 Andũ aingĩ mayonaa kũthĩnwʼa ta kũtuma mũndũ ethĩwa na ũtanu. Ĩndĩ kĩu nĩkyo Ndeto ya Ngai ĩtũtavĩtye twĩke. Kwa ngelekanyʼo, mũmanyĩwʼa Yakovo aandĩkie kana vandũ va kwĩwʼa tũitavĩwe yĩla twakomana na mathĩna, twaĩle kũtana. (Yak. 1:2, 12) Nake Yesũ aisye kana nĩtwaĩle kũtana yĩla twathĩnwʼa. (Soma Mathayo 5:11.) Kwoou twaĩle kwĩka ata twĩkale twĩ atanu yĩla twakomana na mathĩna? No twĩmanyĩsye maũndũ maingĩ twasũanĩa maũndũ amwe me valũanĩ ũla Yakovo waandĩkĩie Aklĩsto ma mbee. Ĩndĩ mbee, ekai tũneenee mathĩna ala Aklĩsto asu makomanie namo.

      AKLĨSTO MA ĨVINDA YA ATŨMWA MAKOMANIE NA MATHĨNA MEVA?

      3. Nĩ kyaũ kyeekĩkie ĩvinda ĩkuvĩ ĩtina wa Yakovo kũtwʼĩka mũmanyĩwʼa wa Yesũ?

      3 Ĩvinda ĩkuvĩ ĩtina wa mwana-a-inyia wa Yesũ weetawa Yakovo kũtwʼĩka mũmanyĩwʼa, Aklĩsto ala maĩ Yelusaleme nĩmambĩĩie kũvĩngwa mũno. (Meko 1:14; 5:17, 18) Na yĩla mũmanyĩwʼa Sitivini wooaiwe, Aklĩsto aingĩ nĩmaumie ndũanĩ ĩsu na “manyaĩĩkwʼa isionĩ syonthe sya Yutia na Samalia,” na mũthya nĩmaendie kũasa nginya Kuvolo na Andiokia. (Meko 7:58–8:1; 11:19) O na tũyĩsa kũelewa nesa mathĩna ala amanyĩwʼa asu makomanie namo. Ĩndĩ o na vailye ũu, nĩmaendeeie kũtavanyʼa ũvoo mũseo na kĩthito kwʼonthe kũla maendaa, na ikundi mbingĩ nĩsyambĩĩiwʼe kĩsionĩ kyonthe kĩla kyasumbĩkĩtwe nĩ Lomi. (1 Vet. 1:1) Ĩtina wa ũu, nĩmakomanie na mathĩna angĩ momũ vyũ kwĩ asu.

      4. Aklĩsto ma mbee makomanie na mathĩna angĩ meva?

      4 Aklĩsto asu ma mbee nĩmoomĩĩisye mathĩna maingĩ. Kwa ngelekanyʼo, ta mwaka wa 50, mũsumbĩ wa Lomi weetawa Kilautiosi nĩwaumisye mwĩao Ayuti onthe maume Lomi. Kwoou, Ayuti ala matwʼĩkĩte Aklĩsto nĩmalasimĩkie kũtia mĩsyĩ yoo na mathamĩĩa kũndũ kũngĩ. (Meko 18:1-3) Na ta mwakanĩ wa 61, mũtũmwa Vaulo aandĩkie kana Aklĩsto nĩmaumangawa mbee wa andũ, makekwʼa yela, na makavenwa syĩndũ syoo. (Aevl. 10:32-34) Na o ta andũ ala angĩ, Aklĩsto asu nĩmawaaa na angĩ maĩ ngya.—Alo. 15:26; Avi. 2:25-27.

  • Ũndũ Ũtonya Kũmĩĩsya Mathĩna wĩ Mũtanu
    Mũsyaĩĩsya (Ĩkaseti ya Kwĩmanyĩsya)—2021 | Mwei wa 2
    • Visa wa 1. Ũtambi wakanĩte nesa taanĩ wa kyavunĩ, ũsiĩĩwe ndũkauĩĩwe na ndũkavow’e nĩ kĩseve. Visa wa 2. Mwana-a-asa mũkũũ avuĩte Mbivilia.

      O ũndũ ũtambi wakanaa nesa ũsiĩĩwe nĩ taa wa kyavunĩ, ũtanu ũla wumaa kwa Yeova wĩkalaa wakene ngoonĩ ya Mũklĩsto (Sisya kalungu ka 6)

      6. Kwosana na Luka 6:22, 23, nĩkĩ Mũklĩsto ũtonya kũendeea kũtana o na akwatwa nĩ mathĩna?

      6 Andũ no masũanĩe kana kĩla kĩtonya kũtuma methĩwa na ũtanu nĩ kwĩthĩwa na ũima wa mwĩĩ, mbesa mbingĩ, kana kwĩkalanyʼa nesa mũsyĩ. Ĩndĩ ũtanu ũla Yakovo waneeneaa nĩ kĩlungu kya ũsyao wa veva wa Ngai, na mũndũ no aũkwate o na ethĩwa maũndũ make mailye ata. (Aka. 5:22) Mũklĩsto akwataa ũtanu ũsu yĩla wamanya nũmwendeeasya Yeova na nũatĩĩaa ngelekanyʼo ya Yesũ. (Soma Luka 6:22, 23; Ako. 1:10, 11) O ũndũ ũtambi wakanaa nesa ũsiĩĩwe nĩ taa wa kyavunĩ, ũtanu ũsu wĩkalaa wakene ngoonĩ ya Mũklĩsto. Ndũsiikĩaa yĩla mũndũ wawaa kana wathelelwa. Na ndũvoaa yĩla mũndũ wathekeewa kana wavĩngwa nĩ andũ ma mũsyĩ kana andũ angĩ. Vandũ va kũvoa, wĩkaa kwakana ĩ ya mũno yĩla ala meũtũvĩnga menda kũũvosya. Mathĩna ala matũkwataa nũndũ wa mũĩkĩĩo witũ monanasya kana twĩ amanyĩwʼa ma wʼo ma Klĩsto. (Mt. 10:22; 24:9; Yoa. 15:20) Nĩkyo kĩtumi Yakovo waandĩkie: “Tanai, ana-a-asa, yĩla mwakwatwa nĩ mathĩna me kĩvathũkanyʼo.”—Yak. 1:2.