WATHI 76
Wĩwʼaa Ata Ĩla Ũũtavanyʼa?
Yĩla yĩ na Movano
1. We wĩwʼaa ata
wathi ũtavanyʼanĩ,
na ũitavya mũndũ
na ayendeewʼa?
Nĩwĩanĩawa;
nũndũ nĩwĩsĩ kana
mbeũ ila wavanda
nitonya kũmea.
(KOLASI)
Nĩ ũtanu, mwingĩ mũno
ĩla tweyumya kwa Ngai;
Na vinya witũ wʼonthe vyũ
tũimũthũkũma.
2. We wĩwʼaa ata
watavya mwene nyũmba,
noyona ũthyũ wake
wakenwʼa nũtanu?
O na kau amwe
nĩmatonya kũlea
kana makatũvũthya
tũikakwʼe ngoo.
(KOLASI)
Nĩ ũtanu, mwingĩ mũno
ĩla tweyumya kwa Ngai;
Na vinya witũ wʼonthe vyũ
tũimũthũkũma.
3. We wĩwʼaa ata
wamanya kana Ngai
nũtũnengae vinya
wa kũmũthũkũma?
Ndeto sitũ nzeo
no ivikĩe ngoo
sya ala mekwende’wʼa
nĩ ũvoo witũ.
(KOLASI)
Nĩ ũtanu, mwingĩ mũno
ĩla tweyumya kwa Ngai;
Na vinya witũ wʼonthe vyũ
tũimũthũkũma.
(O na ĩngĩ sisya Meko 13:48; 1 Ath. 2:4; 1 Tim. 1:11.)