ĨKŨLYO YA 6
Nĩ maũndũ maũ Mbivilia yathanie ĩũlũ wa Masia?
WATHANI
“Ĩndĩ we, Mbethi-leemu ya Evilatha, . . . kwaku kũkauma ũmwe ambũkĩe ũla wĩtwʼĩka mũsumbĩki kwa Isilaeli.”
Mika 5:2
ŨNDŨ WEANĨIE
“Na Yesũ asyaĩwe Mbethelemu nthĩ ya Yutia matukũ ma mũsumbĩ Elote, sisya, andũ oĩ kuma wumĩlonĩ wa syũa mooka Yelusaleme.”
WATHANI
“Nĩmaanisye ngũa syakwa katĩ woo, na kwondũ wa kĩtonyeo kyakwa kĩasa nĩmakĩlimanĩle.”
Savuli 22:18
ŨNDŨ WEANĨIE
“Na ĩndĩ asikalĩ mamina ũmwamba Yesũ, moosa ngũa syake na maaanʼya ianda inya, . . . o na ngũa yake ya ĩũlũ: ngũa ĩsu ndyaĩ ndumanʼye, yaĩ o ĩmwe kuma mũthya kũvika yonthe. Na kwondũ wa ũu maisye, Tũikatembũe, ĩndĩ tũlimane, tũmanye ũla ĩnĩkũtwʼĩka yake.”
WATHANI
“Nũsũvĩaa mavĩndĩ make onthe: vai yĩmwe yamo ĩtũlĩku.”
Savuli 34:20
ŨNDŨ WEANĨIE
“Ĩndĩ mavika vala ve Yesũ, na meethĩa nũkwie, maiaamũtũla maũũ.”
WATHANI
“Nĩwatonyiwe kwondũ wa mavĩtyo maitũ.”
Isaia 53:5
ŨNDŨ WEANĨIE
“Ate o mũsikalĩ ũmwe wamũtonyie mbaunĩ na ĩtumo, na oyu vauma nthakame na manzĩ.”
WATHANI
“Na ĩndĩ manthimĩa ĩtuvi yakwa ilungu mĩongo ĩtatũ sya vetha.”
Nzekalia 11:12, 13
ŨNDŨ WEANĨIE
“Na ĩvinda yĩu ũmwe wa ala ĩkũmi na elĩ, ũla wetawa Yutasi Isikalioti, athi kwa athembi anene, na amakũlya, Mwĩenda kũnenga kyaũ, nakwa ngamũnengane kwenyu? Na mamũthimĩa ilungu mĩongo ĩtatũ sya vetha.”