Tethya Wĩa wa Kũketha na Ũtanu

1. Ũmũnthĩ twĩ ngethanĩ nene,

Ũsu nĩ wĩa wa vata.

Alaĩka nĩmo akethi;

Ithyĩ nĩtũtethe’asya.

Yesũ Klĩsto nĩwatwiĩe

Ngelekanyʼo ya kĩthito.

Nĩ ũathimo mũnene kwitũ

Kũtethya wĩa wa Klĩsto.

2. Kũmwenda Ngai na mũtũi

Nĩkũtwĩkĩaa vinya.

Mũminũkĩlyo wĩ vakuvĩ,

Tũtavanyʼe vate wia.

Tũtanaa mũno kũtethya

Wĩa vamwe na Yeova.

Na tũũtethye na kĩthito vyũ,

Nake akatũathima.